ໄວ້ອາໄລຫາ ອາຈານເເລັມໂບ້ ຜູ້ຈາກໄປ

ໄວ້ອາໄລຫາ ອາຈານເເລັມໂບ້ ຜູ້ຈາກໄປ.

ບັດນີ້​ ດວງເດືອນດັບມອດຊິ້ນ ສີເສື່ອມສູນສະຫຼາຍຈັນທາທີ່ເຄີຍໃສ ປ່ຽນເປັນສີເສົ້າຖືກເມກດຳດຶງເຂົ້າ ເລືອນຫາຍກາຍຜ່ານປານວ່າຟ້າມືດຄື້ມ​ ໂສມເສົ້າທົ່ວນະຟາ​ ນ່າຍເດ.

ອາຈານ​ ເເລັມໂບ້ ສີສະຫມຸດຈາກໂລກນີ້ ສຸດທີ່ອາໄລຫາສຸດທີ່ອາວອນນຳ ລະນຶກຫາເຫັນຮູ້ຄູສອນ.​ມສ.​ອົງເເກ້ວ ເເວວວາວດັບມອດຮອດອາຍຸບັ້ນທ້າຍ ສັງຂານກາຍທາດຕັ້ງບໍ່ຍັງເເລ້ວວ່າເເມ່ນຄົນ.

ອຈ.​ເເລັມໂບ້​ລາໂລກເເລ້ວ ໃນໄວເເຫ່ງ 30​ ປີເຫຼືອເເຕ່ຄຸນຄວາມດີ​ ທີ່ຝາກຝັ່ງເຜີຍໄວ້ສອນສິດຫຼາຍຄົນໄດ້ ໄວເຍົາຈົນສະຫຼາດຄວາມສາມາດຮອບຮູ້ ຄູຄະນິດສາດເກັ່ງກ້າຫຼາຍວິຊາເຈົ້າມອບໃຫ້ ປັນຍາກ້າສ່ອງໃສ ນີ້ນາ.

ຍັງຄົງ.​ເຫຼືອພຽງຮູບພາບໄວ້ ປະດັບໃສ່ຫົວໃຈ.​ສິດນີ້ພໍໄດ້ເເຍງຍາມຫວນ​ ລະນຶກຫາເຫັນຫນ້າກັບວິຊາຄວາມຮູ້​ ຄູອາຈານຄົນໂກ້ເເລັມໂບ້ດັບມອດເເລ້ວ ຜົນງານເເວວວາດຂື້ນບໍ່ມີມື້​ວ່າຊິ​ຕາຍ​ ນີ້ເເລ້ວ.

ຜົນງານອາຈານສ້າງໄວ້​ ຫຼາຍສີ່ງອະນັນນັບສັງຄົມຍິນຍອມຮັບ ຄ່າຄຸນຂອງເຈົ້າແມ່ນຊີເອົາຄຳເວົ້າ ເອົາເງີນຕາ​ ມາວາດຄ່າຄົງບໍ່ຄຸ້ມລາຄາ​ ປານເອົາເກືອເເລກເຂົ້າບໍ່ສົມເຄົ້າຄ່າຄູ.​ດອກນາ.

ຊີວິດຄົນເປັນຈັ່ງຊີ້ ມີ​ ເກີດ.,ເເກ່,ເຈັບ,ຕາຍໄປຕາມກົດເກນທຳ ມະຊາດປຸນເເປງໄວ້ບໍ່ມີໃຜຫນີພົ້ນ ພະຍາຍົມ ມັດຈຸລາດອາຄາດຄຸມຄອບຄັ້ນ​ ໄປຫັ້ນບ່ອນດຽວ.

ມື້ນີ້.​ນ້ອຍຂໍເອົາກອນກອດກ້ຽວ ວອນຫນ່ຽວອາໄລຫາອາຈານເເລັມໂບ້​ຄົນດີ​ ຈາກໄປເເລ້ວວັນນີ້30​ ປີ​ ຊີວີເຈົ້າ ເປັນເເມ່ນພິມຂອງຊາດຜົນງານງາມປະກາດໄວ້ ສິດທຸກຄົນຈຳຈື່ໄດ້ຄຸນຄວາມດີຄູມອບໃຫ້​ ປຽບຈັນໃສສ່ອງເເຈ້ງເເຍງຫົນທາງທ່ານສູ້ ຊູເຈົ້າສູ່ສະຫວັນອາຈານ.​ເເລັມໂບ້….​ເອີຍ..!

ຂຽນຈາກໃຈ ໄວ້​ອາໄລ​ ອາຈານ​ອ້າຍ​ເເລັມໂບ້​ ສີສະຫມຸດທີ່ຈາກຄອບຄົວລູກເມຍ ຈາກສະຖາບັນ ຈາກໂຮງຮຽທີ່ເຄີຍສອນ ໄປຢ່າງບໍ່ມີວັນຫວນກັບຄືນມາ.ປະພັນໂດຍ​: ນ້ອຍມະນີ​ ອິນທະວົງສາສ​ ນ້ອຍຄົນບ້ານນອກ​.

11 ທັນວາ​ 199216 ກັນຍາ​ 2022

Related Posts

Leave a Reply

Your email address will not be published.