ຖືກບອກເລິກ ຈິ່ງລົງມືທຳຮ້າຍແຟນສາວ.

ຖືກບອກເລິກ ຈິ່ງລົງມືທຳຮ້າຍແຟນສາວ.

ແຟນຫນຸ່ມ ບໍ່ພໍໃຈ ຍ້ອນຖືກແຟນສາວທີ່ເຮັດວຽກຢູ່ສະຫນາມກັອບດ້ວຍກັນບອກເລິກ, ຈິ່ງຕັດສິນໃຈ ກໍ່ເຫດເອົາມີດແທງ ແຟນສາວເສຍຊີວິດ ຈາກນັ້ນເອົາມີດແທງໂຕເອງບາດເຈັບສາຫັດ.

ເຊິ່ງເຫດການດັ່ງກ່າວ ເກີດຂຶ້ນໃນວັນທີ 20 ສິງຫາ 2022 ເວລາ 14:00 ໂມງ ຢູ່ຫ້ອງເຊົ່າບ້ານນາໄຫ ເມືອງຫາດຊາຍຟອງ ນະຄອນຫລວງວຽງຈັນ; ຜູ້ຢູ່ໃນເຫດການ ໃຫ້ຂໍ້ມູນໃນເບື້ອງຕົ້ນວ່າ: ທ້າວ ຊຽງ ຜູ້ກໍ່ເຫດ ໄດ້ເປັນແຟນກັນກັບ ນາງ ນ້ອຍ ຜູ້ເສຍຊີສິດ ມາໄດ້ໄລຍະຫນຶ່ງ, ຕໍ່ມາຝ່າຍຍິງໄດ້ບອກເລີກຝ່າຍຊາຍ ແຕ່ຝ່າຍຊາຍບໍ່ຍອມເລີກ, ຈິ່ງເກີດຜິດຖຽງກັນຢ່າງຮຸນແຮງ ຝ່າຍຊາຍ ຈິ່ງໃຊ້ມີດແທງຝ່າຍຍິງເສຍຊີວີດ. ຈາກນັ້ນ ກໍນໍາໃຊ້ມີດດວງດຽວ ແທງທ້ອງຕົນເອງບາດເຈັບສາຫັດ.

ຕໍ່ກັບຄະດີດັ່ງກ່າວ, ເຈົ້າຫນ້າທີ່ ລໍຖ້າຜູ້ກໍ່ເຫດທີ່ປິ່ນປົວຢູ່ໂຮງຫມໍ ຈະເປີດການສຶບສວນ-ສອບສວນ ໃນເວລາໃຫ້ປາກຄຳໄດ້ ແລະ ຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດ; ຫວັງວ່າ ເຫດການນີ້ ຈະເປັນອຸທາຫອນສອນໃຈ ໃຫ້ກັບຫລາຍຄູ່.

Related Posts

Leave a Reply

Your email address will not be published.