ທໍາໃຈເດີພີ່ນ້ອງ! ສິນຄ້າທຸກຢ່າງຂຶ້ນລາຄາປານບັ້ງໄຟຫມື່ນ

ທໍາໃຈເດີພີ່ນ້ອງ! ສິນຄ້າທຸກຢ່າງຂຶ້ນລາຄາປານບັ້ງໄຟຫມື່ນ.

ວັນທີ 13 ສິງຫາ 2022, ລົງເກັບກໍາຂໍ້ມູນໃນ 2 ຕະຫລາດຄື: ຕະຫລາດດົງຫມາກຄາຍ ແລະ ຕະຫລາດລາວຂາຍຍົກ-ຂາຍຍ່ອຍຖະຫນົນ 450 ປີ ພົບວ່າ: ສິນຄ້າຂຶ້ນລາຄາເກືອບທຸກຢ່າງ…

ຈົນເຮັດໃຫ້ພໍ່ແມ່ປະຊາຊົນ,ທະຫານ,ຕໍາຫລວດ, ພະນັກງານ-ລັດຖະກອນຜູ້ມີລາຍໄດ້ຫນ້ອຍໄດ້ຮັບຜົນກະທົບຢ່າງຫລີກລ່ຽງບໍ່ໄດ້ ເຊິ່ງຕົ້ນເຫດເປັນຜົນມາຈາກປັດໃຈຫລາຍຢ່າງເຊັ່ນ:.

ພິດຮ້າຍພະຍາດໂຄວິດ, ສົງຄາມລະຫວ່າງລັດເຊຍ-ຢູເຄຣນ, ລາຄານໍ້າມັນແພງ,ການເພິ່ງພາການນໍາເຂົ້າສິນຄ້າຈາກຕ່າງປະເທດຫລາຍເກີນໄປ, ການປະຖິ້ມປະວິທີການຜະລິດທີ່ເປັນມູນເຊື້ອຂອງບັນພະບຸລຸດ, ຕົ້ນທຶນການປູກການລ້ຽງ( ປຸ໋ຍ, ຫົວອາຫານສັດ…ວັດຖຸດິບແພງ) ແລະ ອື່ນໆ👉ລາຄາສິນຄ້າ:

-ໄຂ່ໄກ່ສົດ: 45-65 ພັນກີບຕໍ່ແຕະ.

-ໄຂ່ເປັດສົດ: 55-62 ພັນກີບຕໍ່ແຕະ.

-ຊີ້ນຫມູ: 55-60 ກວ່າພັນກີບຕໍ່ກິໂລ.

-ເຂົ້າຫນຽວ: 120.000-180.000 ກີບຕໍ່ຫມື່ນ.

🗣️ທາງອອກ: ຄວນເຮັດໃຫ້ໄວ ແລະ ແນະນໍາໃຫ້ປະຊາຊົນຫັນໄປປູກໄປລ້ຽງຫລາຍຂຶ້ນ, ລັດຄວນອັດສີດເງິນໃຫ້ຜູ້ຜະລິດໃນອັດຕາດອກເບ້ຍເງິນກູ້ຕໍ່າ ແລະ ຍາວນານຂຶ້ນ,.

ລັດຄວນແຊກແຊງລາຄາສິນຄ້າທີ່ຈໍາເປັນ, ລັດຄວນແຕ່ງຕັ້ງພະນັກງານລົງຮາກຖານດ່ວນໃນການກວດສອບໃຫ້ເຖິງກົກເຖິງຮາກຕົວຈິງເພື່ອສອດສ່ອງເບິ່ງຄວາມບໍ່ໂປ່ງໃສທີ່ອາດກໍ່ໃຫ້ເກີດການຊໍ້າຕື່ມພໍ່ແມ່ປະຊາຊົນ,.

ຄວນຂະຫຍາຍ ແລະ ສ້າງໂຮງງານຜະລິດຫົວອາຫານເອງ, ຄວນກວດຄືນບໍສັດຕ່າງປະເທດວ່າການມາສ້າງໂຮງງານຜະລິດອາຫານສະຫນອງອາຫານນັ້ນສອດຄ່ອງກັບຊິວິດຕົວຈິງຂອງພໍ່ແມ່ປະຊາຊົນ ຫລື ບໍ່?.

ຕະຫລາດດົງຫມາກຄາຍ.

ຕະຫລາດຂາຍຍົກ-ຂາຍຍ່ອຍລາວ 450 ປີ.

ຈາກ:ຈົດໝາຍຂ່າວ

Related Posts

Leave a Reply

Your email address will not be published.