ລັ່ນໄກ ຍິງເມຍເສຍຊີວິດ.

ລັ່ນໄກ ຍິງເມຍເສຍຊີວິດ.

ເວລາປະມານ 17:00 ໂມງ ຂອງວັນທີ 29 ກໍລະກົດ 2022 ເກີດເຫດຜົວໃຊ້ປຶນຍິງເມຍຊື່ ນາງ ນາດີ ອາຍຸ 38 ປີ ເສຍຊີວິດ ຢູ່ເຂດ ບ້ານກຸຍສູງ ເມືອງ ແລະ ແຂວງຫຼວງນ້ຳທາ.

ຜ່ານການສອບສວນຂອງເຈົ້າໜ້າທີ່ ທ້າວ ຈາກໍ ອາຍຸ 56 ປີ ( ຜູ້ກໍ່ເຫດ ) ສາລະພາບວ່າ: ກ່ອນເກີດເຫດຜູ້ກ່ຽວໄດ້ລັກເອົາເງິນໝັນໄປຂາຍຊ່ວງໄລຍະທີ່ເມຍບໍ່ຢູ່ເຮືອນ ຈຳນວນ 1 ໝັນ ໄດ້ເງິນ 3 ແສນກີບ. ຈາກນັ້ນ, ກໍໄດ້ເອົາໄປໃຊ້ຈ່າຍຊື້ເຫຼົ້າ-ເບຍກິນຈົນໝົດ. ເມື່ອ ນາງ ນາດີ ຜູ້ເປັນເມຍຮູ້ພາຍຫຼັງກໍເກີດມີປາກສຽງຜິດກັນຢ່າງຮຸນແຮງ ແລະ ເຮັດໃຫ້ເມຍບໍ່ພໍໃຈ ຈຶ່ງພາລູກໜີໄປຢູ່ໄຮ່.

ພໍຮອດເວລາ 17:00 ໂມງ ຂອງວັນທີ 29 ກໍລະກົດ 2022 ຈຶ່ງກຽມປືນແກັບ 1 ກະບອກ ແລ້ວອອກເຮືອນໄປນຳຫາເມຍ ແລະ ລູກສາວຢູ່ໄຮ່. ພໍໄປຮອດເຂດກາງທາງໄດ້ພົບເຫັນເມຍເອົາປືນແກັບປະໄວ້ຢູ່ຖ່ຽງໄຮມາລໍຖ້າຍິງໂຕຮອກກິນໝາກ. ຂະນະນັ້ນ, ຜູ້ເປັນເມຍຍັງຄິດຢາກຮ້າຍ ແລ້ວໄດ້ເວົ້າວ່າ: “ ມຶງ ” ນຳມາເຮັດຫຍັງອີກ “ກູ” ຈະຂ້າມຶ່ງໃຫ້ຕາຍ ພ້ອມທັງຍົກປືນແກັບທີ່ຖືຢູ່ຍິງໃສ່ຜູ້ກ່ຽວ ແລ້ວເກາະໄກ 2-3 ບາດ ແຕ່ປືນບໍ່ແຕກ. ຈາກນັ້ນ, ກໍເວົ້າວ່າ “ມຶງ” ໄປນອນກ່ອນ “ກູ” ຈະເອົາໄມ້ຂ້ອນຕີຫົວໃຫ້ຕາຍ.

ທ້າວ ຈາກໍ ຄິດວ່າແນວໃດເມຍກໍຕ້ອງບໍ່ພໍໃຈ ແລະ ຈະຂ້າຜູ້ກ່ຽວໃຫ້ໄດ້ ຈຶ່ງໃຊ້ປືນແກັບ ທີ່ຖືໄປແຕ່ເຮືອນຍິງໃສ່ບໍລິເວນທ້ອງນ້ອຍຂອງເມຍ 1 ບາດ ແລ້ວເອົາຕົວຫຼົບໜີເຂົ້າໄປປ່າ 2 ມື້ຕໍ່ມາ ຈຶ່ງຖືກເຈົ້າໜ້າທີຕຳຫຼວດກັກຕົວມາດຳເນີນຄະດີຕາມລະບຽບກົດຫມາຍ.

ຮອ ທະວີສັກ.

Related Posts

Leave a Reply

Your email address will not be published.