ຫຼວງພະບາງເຮັດແທ້..!! ຫາກຍັງຝືນຈະຖືກປັບໃໝ 5ແສນ ຫາ 1ລ້ານກີບ ຊູຊີຂາຍເຄື່ອງໃສ່ບາດໃຫ້ນັກທ່ອງທ່ຽວ

ປະເດັຮ້ອນແຮງ..!!ແມ່ສິຕາງ ແລະ ສາວເມຢ້າເຮັດຫຍັງ? ຈຶ່ງຕ້ອງຮອດຂັ້ນຂໍຂະມາພະທາດຫຼວງ?https://www.chaokhongchai.xyz/27708/

ໃນວັນທີ 25 ກໍລະກົດ 2022 ຜ່ານມາ, ຢູ່ທີ່ຫ້ອງປະຊຸມຫ້ອງການທ່ອງທ່ຽວແຂວງຫຼວງພະບາງ ໄດ້ຈັດກອງປະຊຸມປຶກສາຫາລືກ່ຽວກັບການແກ້ໄຂບັນຫາການຂາຍເຂົ້າໃສ່ບາດໃຫ້ນັກທ່ອງທ່ຽວ, ໂດຍເປັນປະທານຂອງທ່ານວັນນະເດດ ພົງສຸດທິ ຫົວໜ້າຫ້ອງການບໍລິຫານພະແນກ ຖວທ, ມີຫົວໜ້າຫ້ອງການ ຖວທ ເມືອງຈອມເພັດ, ຮອງຫົວໜ້າຫ້ອງການ ຖວທ ນະຄອນຫຼວງພະບາງ, ບັນດາຫົວໜ້າຂະເເໜງການທີ່ກ່ຽວຂ້ອງ, ຕໍາຫຼວດທ່ອງທ່ຽວ, ປະທານກຸ່ມຜູ້ນຳທ່ຽວ, ອໍານາດການປົກຄອງບ້ານທີ່ກ່ຽວຂ້ອງພາຍໃນເທດສະບານນະຄອນ ຫຼວງພະບາງ ຕະຫຼອດຮອດພະນັກງານວິຊາການຈາກຂະເເໜງຄຸ້ມຄອງການທ່ອງທ່ຽວເຂົ້າຮ່ວມ.

ກອງປະຊຸມໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຄຸ້ມຄອງການຂາຍເຂົ້າໃສ່ບາດໃຫ້ນັກທ່ອງທ່ຽວ ຂອງຫ້ອງການ ຖວທ ນະຄອນ ຫຼວງພະບາງ ແລະຫ້ອງການ ຖວທ ເມືອງຈອມເພັດ, ຈາກນັ້ນບັນດາທ່ານຜູ້ເຂົ້າຮ່ວມກໍໄດ້ພ້ອມກັນມີຄວາມຄິດຄວາມເຫັນແລກປ່ຽນກັນຫຼາຍບັນຫາ, ເພື່ອແນ່ໃສ່ຊອກຫາຊ່ອງທາງແກ້ໄຂບັນຫາຫາງສຽງສັງຄົມກໍຄືປະກົດການຫຍໍ້ທໍ້ກ່ຽວກັບຄວາມບໍ່ເປັນລະບຽບຮຽບຮ້ອຍໃນການຂາຍເຂົ້າໃສ່ບາດ ໃຫ້ນັກທ່ອງທ່ຽວໃຫ້ໝົດໄປ; ເຊິ່ງໄດ້ມີຄວາມເປັນເອກະພາບກັນ,

ສະເໜີໃຫ້ຫ້ອງການ ຖວທ ນະຄອນຫຼວງພະບາງສືບຕໍ່ເກັບກຳ ແລະສະໜອງຂໍ້ມູນຈໍານວນຜູ້ຂາຍເຂົ້າທັງໝົດ, ຈໍານວນທີ່ໄດ້ອອກບັດອະນຸຍາດຂາຍເຂົ້າ, ຈໍານວນທີ່ຍັງບໍ່ໄດ້ອອກບັດອະນຸຍາດຂາຍເຂົ້າ, ປະກອບມີຈັກໜ່ວຍ, ຈໍານວນເດັກນ້ອຍທີ່ມາເຄື່ອນໄຫວເກັບເຂົ້າໃສ່ບາດ, ມາຈາກບ້ານໃດ, ເພື່ອເປັນຂໍ້ມູນໃນການວາງມາດຕະການແກ້ໄຂໃນໄລຍະຕໍ່ໄປ,

ສ່ວນມາດຕະການໃນການແກ້ໄຂບັນຫາຫາງສຽງຂອງສັງຄົມກໍຄືປະກົດການຫຍໍ້ທໍ້ນັ້ນ, ພາກສ່ວນກ່ຽວຂ້ອງຈະໄດ້ເອົາໃຈໃສ່ສຶກສາອົບຮົມຜົນໄດ້ຜົນເສຍຂອງຄວາມບໍ່ເປັນລະບຽບຮຽບຮ້ອຍ, ການຂາຍເຄື່ອງຊະຊາຍ, ການວາງລາຄາບໍ່ສົມເຫດສົມຜົນ ແລະອື່ນໆ, ໂດຍພື້ນຖານແມ່ນເຫັນດີເປັນເອກະພາບກັບກົດລະບຽບຂອງເຈົ້ານະຄອນວາງອອກຄື:

– ລະເມີດຄັ້ງທີ່ 1 ແມ່ນສຶກສາອົບຮົມປັບໃໝ 500,000 ກີບ (ຫ້າແສນກີບ) ແລະຢຸດບໍ່ໃຫ້ຂາຍ 6 ເດືອນ– ລະເມີດຄັ້ງທີ່ 2 ແມ່ນປັບໃໝ 1,000,000 ກີບ (ໜຶ່ງລ້ານກີບ)– ລະເມີດຄັ້ງທີ່ 3 ແມ່ນດໍາເນີນຄະດີຕາມລະບຽບກົດໝາຍ.

ແຫຼ່ງຂ່າວ: ຂ່າວສານຫຼວງພະບາງ

Related Posts

Leave a Reply

Your email address will not be published.