ໃໝ່ລ່າສຸດ! ອຸຕຸແຈ້ງເຕືອນ ກຽມຮັບມືກັບຝົນຕົກໜັກ – ລົມພັດແຮງ ພ້ອມອາກາດໜາວເຢັນ ແຕ່ວັນທີ 1 ຫາ 06 ມີນາ 2022 ນີ້

ຄາດຄະເນສະພາບອາກາດ ໃນໄລຍະວັນທີ 28 ກຸມພາ ຫາ 06 ມີນາ 2022:

ໃນໄລຍະວັນທີ 28 ກຸມພາ ຫາ 06 ມີນາ 2022 ຄວາມກົດດັນສູງຂອງອາກາດຫນາວເຢັນຈະປົກຄຸມຢູ່ທຸກ ພາກຂອງປະເທດລາວດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມຕາເວັນອອກ-ຕາເວັນອອກສ່ຽງໃຕ້ ພັດປົກຄຸມເປັນສ່ວນໃຫຍ່,

ຊຶ່ງຈະເຮັດໃຫ້ອາກາດເຢັນ ພ້ອມມີຫມອກບາງປົກຫຸ້ມໃນຕອນກາງຄືນ ຫາ ຕອນເຊົ້າ ຢູ່ ໃນແຕ່ລະພາກ ແລະ ອາກາດຈະຫນາວເປັນ ໂດຍສະເພາະຢູ່ແຂວງພາກເຫນືອ, ແຂວງໄຊສົມບູນ ແລະ ເຂດພູພຽງບໍ ລະເວນ ພ້ອມມີຫມອກຫນາປົກຫຸ້ມຢູ່ບາງທ້ອງຖິ່ນຢູ່ເຂດພູສູງ ແລະ ພູດອຍ, ສໍາລັບແຂວງພາກກາງ ແລະ ພາກໃຕ້ ອາກາດຈະຮ້ອນໃນຕອນບ່າຍ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ພາກເຫນືອດ້ານຕາເວັນອອກ: ໃນໄລຍະວັນທີ 28 ກຸມພາ ຫາ 06 ມີນາ 2022 ອາກາດຈະຫນາວເຢັນ ພ້ອມມີຫມອກບາງປົກ ຫຸ້ມໃນຕອນເຊົ້າ ແລະ ຈະມີຝົນຕົກຄ່ອຍ ພ້ອມມີລົມພັດແຮງເປັນບາງໂອກາດແຂວງ ຜົ້ງສາລີ, ຫົວພັນ ແລະ ຊຽງຂວາງ ອຸນຫະພູມຕໍ່າສຸດ 10-12 ອົງສາ ແລະ ສູງສຸດ 26-28 ອົງສາ.

ພາກເຫນືອດ້ານຕາເວັນຕົກ: ໃນຫນຶ່ງອາທິດຕໍ່ຫນ້າ ອາກາດຈະຫນາວເຢັນ ພ້ອມມີຫມອກບາງປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ແລະ ຫມອກຫນາປົກຫຸ້ມຢູ່ບາງທ້ອງຖິ່ນເຂດພູສູງ, ພູດອຍ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດ ແຮງຢູ່ບາງທ້ອງຖິ່ນ ອູນຫະພູມຕ່ໍາສຸດ 12-14 ອົງສາ ແລະ ສູງສຸດ 28-30 ອົງສາ.

ພາກກາງ: ໃນຫນຶ່ງອາທິດຕໍ່ຫນ້າ ອາກາດເຢັນພ້ອມມີຫມອກບາງປົກຫຸ້ມໃນຕອນກາງຄືນຫາຕອນເຊົ້າ, ຈະມີຝົນຕົກຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ແລະ ໃນຕອນບ່າຍອາກາດຮ້ອນ ອູນຫະພູມຕ່ໍາສຸດ 18-20 ອົງສາ ແລະ ສູງສູດ 32-34 ອົງສາ, ສໍາລັບແຂວງໄຊສົມບູນ ອາກາດຫນາວເຢັນ ພ້ອມມີຫມອກຫນາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີ ຝົນຕົກຄ່ອຍຢູ່ບາງບໍລິເວນ ອຸນຫະພູມຕໍ່າສຸດ 10-12 ອົງສາ ແລະ ສູງສຸດ 21-23 ອົງສາ.

ພາກໃຕ້: ໃນຫນຶ່ງອາທິດຕໍ່ຫນ້າ ອາກາດເຢັນ ພ້ອມມີຫມອກບາງປົກຫຸ້ມໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກ ຄ່ອຍ ພ້ອມມີລົມພັດແຮງຢູ່ບາງທ້ອງຖີ່ນ. ສ່ວນຕອນບ່າຍອາກາດຮ້ອນ ອຸນຫະພູມຕໍ່າສຸດ 19-21 ອົງສາ ແລະ ສູງສຸດ 33-35 ອົງສາ, ສໍາລັບເຂດພູພຽງບໍລະເວນອາກາດຈະຫນາວເຢັນ ພ້ອມມີຫມອກຫນາປົກຫຸ້ມໃນຕອນເຊົ້າ ແລະ ຈະມີ ຝົນຕົກຄ່ອຍເປັນບາງໂອກາດຢູ່ບາງບໍລິເວນ ອຸນຫະພູມຕໍ່າສຸດ 10-12 ອົງສາ ແລະ ສູງສຸດ 21-23 ອົງສາ.

ນະຄອນຫຼວງວຽງຈັນ: ໃນນຫນຶ່ງອາທິດຕໍ່ຫນ້າ ອາກາດເຢັນ ໃນຕອນກາງຄືນ ຫາ ຕອນເຊົ້າ ແລະ ຈະມີລົມພັດແຮງເປັນບາງ ໂອກາດຢູ່ບາງບໍລິເວນ, ສ່ວນໃນຕອນບ່າຍອາກາດຮ້ອນ ອູນຫະພູມຕໍ່າສຸດ 18-20 ອົງສາ ແລະ ສູງສຸດ 31-33 ອົງສາ.

Related Posts

Leave a Reply

Your email address will not be published.