Google Chrome ປ່ຽນໂລໂກ້ໃໝ່ໃນຮອບ 8 ປີ ແຍກແຕ່ລະແພດຟອມອີກດ້ວຍ.

ເປັນຄັ້ງທໍາອິດໃນຮອບ 8 ປີ ນັບຕັ້ງແຕ່ປີ 2014 ຫຼ້າສຸດ Google Chrome ຈະໄດ້ຮັບການອັບເດດໂລໂກ້ໃຫມ່ແລ້ວ ໂດຍຄັ້ງນີ້ ໂລໂກ້ຈະຖືກດັດແປງເພື່ອໃຫ້ມີຄວາມທັນສະໄຫມແລະສອດຄ່ອງກັບຍີ່ຫໍ້ Google ຫຼາຍຍິ່ງຂຶ້ນ ລວມເຖິງມີການເຮັດໂລໂກ້ແຍກສຳຫຼັບແຕ່ລະ ລະບົບປະຕິບັດການອີກດ້ວຍ.

ນັບຕັ້ງແຕ່ Google Chrome ໄດ້ເປີດຕົວມາຕັ້ງແຕ່ປີ 2008 ດ້ວຍໂລໂກ້ທີ່ມີລັກສະນະເປັນ 3 ມິຕິ ຫຼັງຈາກນັ້ນ 3 ປີຕໍ່ມາໃນປີ 2011 ໂລໂກ້ໄດ້ຖືກປ່ຽນໃຫ້ເປັນແບບລຽບງ່າຍ ແລະ ເບິ່ງທັນສະໄຫມຫຼາຍຍິ່ງຂຶ້ນ ແລະ ໃນປີ 2014 ໄດ້ມີການປັບປ່ຽນອີກເລັກນ້ອຍ ກ່ອນທີ່ຈະເວັ້ນມາເຖິງເປັນເວລາ 8 ປີກ່ອນທີ່ຈະມາປ່ຽນອີກເທື່ອໜຶ່ງໃນປີນີ້.

ການປ່ຽນແປງໃນຄັ້ງນີ້ ໄດ້ມີການລົບເງົາອອກທີ່ຢູ່ລະຫວ່າງສີທັ້ງ 3 ສີ ດ້ານນອກໄດ້ມີການປ່ຽນສີເພື່ອເຮັດໃຫ້ເບິ່ງສົດໃສຫຼາຍຂຶ້ນ ແລະ ວົງມົນດ້ານໃນຂະຫນາດໃຫຍ່ຂຶ້ນ.

ຫຼາຍຄົນອາດຈະເວົ້າວ່າບໍ່ມີຫຍັງປ່ຽນແປງ ແຕ່ຄວາມຈິງແລ້ວ ການປ່ຽນໂລໂກ້ຄັ້ງນີ້ຈະມີການປ່ຽນແປງໄປໃນທຸກໆແພດຟອມໃຫ້ເຂົ້າກັບຂໍ້ແນະນໍາຂອງລະບົບປະຕິບັດການນັ້ນໆ ເຊັ່ນ:

Windows ຈະມີການໄລ່ສີເທິງໂລໂກ້ເພື່ອເຮັດໃຫ້ມັນເບິ່ງງາມເມື່ອທຽບກັບໄອຄອນອື່ນໆຂອງລະບົບປະຕິບັດການ

ChromeOS ໃຊ້ສີທີ່ສົດໃສກວ່າ ໂດຍບໍ່ມີການປ່ຽນສີ ເພື່ອໃຫ້ເຂົ້າກັບໄອຄອນຂອງລະບົບ.

macOS ໄອຄອນຈະເບິ່ງມີມິ້ຕິຫຼາຍຍິ່ງຂຶ້ນ ຕາມໄອຄອນຂອງ macOS ລຸ້ນໃໝ່ ລວມເຖິງໃນເວີຊັ່ນ Beta ແລະ Dev ມີການໃສ່ໂບຢູ່ດ້ານຂ້າງອີກດ້ວຍiOS ຈະມີການປ່ຽນໂລໂກ້ຂອງເວີຊັ່ນ beta ໃຫ້ເປັນການອອກແບບ Blueprint ເພື່ອເນັ້ນໃສ່ນັກພັດທະນາຕາມຮູບແບບຂອງ Apple.

ໂລໂກ້ໃໝ່ນີ້ມີໃຫ້ນຳໃຊ້ໃນມື້ນີ້ເທິງ Google Chrome ເວີຊັ່ນ Canary ສຳຫຼັບນັກພັດທະນາ ແລະ ຈະມີການປ່ຽນແປງໃນເວີຊັ່ນປົກກະຕິໃນ Chrome ເວີຊັ່ນ 100 ທີ່ຈະເປີດໃຫ້ໃຊ້ງານກັນໃນຊ່ວງປາຍເດືອນມີນາຄົມນີ້

.

Related Posts

Leave a Reply

Your email address will not be published.