ສາວນ້ອຍໄວ 17 ຕ້ອງອອກໂຮງຮຽນມາລ້ຽງພໍ່ກັບແມ່ຕູ້ທີ່ບໍ່ສະບາຍ.

ສາວນ້ອຍໄວ 17 ປີ ສູ້ຊີວິດ ເຜາະຕົ້ນດາວເຮືອງຂາຍຫາເງິນຮຽນ ແລະ ລ້ຽງດູພໍ່ທີ່ປ່ວຍຕິດຕຽງສ່ວນແມ່ຕູ້ເປັນອຳມະພາດ ແມ່ຕ້ອງຫຍຸດວຽກມາດູແລ 2 ຊີວິດທີ່ພິການ.

ຜູ້ສື່ຂ່າວໄດ້ເດີນທາງໄປຍັງເຮືອນ ອຳເພີນາໂຍງ ຈັງຫວັດຕຣັງ ເຊິ່ງເປັນເຮືອນຂອງນາງສາວ ອະນັນຍາ ຫົວເຂົາ ຫຼື ນ້ອງໝູໄວ 17 ປີ ເດັກສາວຜູ້ໜ້າສົງສານ ແລະ ພະຍາຍາມຕໍ່ສູ້ຊີວິດມາແລ້ວຕ່າງໆນານາ ໂດຍສະເພາະຫຼ້າສຸດ ຄືຫັນໄປປະກອບອາຊີບປູກຕົ້ນດອກດາວເຮືອງ.

ເພື່ອສົ່ງຈຳໜ່າຍໃຫ້ມີລາຍໄດ້ຊ່ວຍເຫຼືອຄອບຄົວ ແລະ ເປັນຄ່າໃຊ້ຈ່າຍປະຈຳວັນໃຫ້ແກ່ ທ້າວສຸຊາດ ຫົວເຂົາ ອາຍຸ 42 ປີ ຜູ້ເປັນພໍ່ເຊິ່ງປ່ວຍພິການຕິດຕຽງຊ່ວຍເຫຼືອຕົວເອງບໍ່ໄດ້ແລະຕ້ອງໃຫ້ອາຫານທາງສາຍຢາງ ລວມທັງຕ້ອງມີຄົນດູແລຢ່າງໃກ້ຊິດໂດຍຕະຫຼອດ ເນື່ອງຈາກຜູ້ເປັນພໍ່ມີອາການປ່ວຍທາງສະໝອງ ນອກຈາກນັ້ນຍັງມີອາການໄອ ແລະ ອື່ນໆ.

ຂະນະທີ່ນາງ ອຸໄລລັດ ຫົວເຂົາ ອາຍຸ 41 ປີ ຜູ້ເປັນແມ່ເຊິ່ງຈາກເດີມທີ່ເຄີຍມີອາຊີບປາດຢາງ ແຕ່ເມື່ອສາມີລົ້ມປ່ວຍລົງກໍ່ຈຳເປັນຕ້ອງຫຍຸດປາດຢາງ ແລະ ມາປ່ຽນເວນກັບລູກສາວລວມທັງນາງບຸນລິນ ເຍົາວະດຳ ອາຍຸ 58 ປີ ຜູ້ເປັນແມ່ຕູ້ທີ່ປ່ວຍເສັ້ນເລືອດໃນສະໝອງແຕກຈົນເປັນອຳມະພາດໄປອີກຄົນ ຍິ່ງເຮັດໃຫ້ຄອບຄົວນີ້ຕ້ອງມີພາລະໃນການດູແລ ມີຄ່າໃຊ້ຈ່າຍສູງ ແລະ ຕ້ອງຕໍ່ສູ້ດິ້ນລົນຢ່າງໜັກ.

ນາງ ອະນັນຍາ ຫຼື ນ້ອງໝູເດັກສາວຍອດກະຕັນຍູ ກ່າວວ່າປົກກະຕິພໍ່ຈະເປັນຄົນສຸພາບ ແຂງແຮງ ມີອາຊີບເຮັດສວນ ແລະ ປາດຢາງກັບແມ່ 2 ຄົນຕະຫຼອດເຊິ່ງຄອບຄົວກໍ່ບໍ່ໄດ້ຂັດສົນ ຈົນ 5 ເດືອນທີ່ຜ່ານມາຜູ້ເປັນພໍ່ເກີດອາການຊັັກ ໝົດສະຕິ ແລະ ຫົວໃຈຫຍຸດເຕັ້ນ.

ຈຶ່ງນຳຕົວສົ່ງໂຮງໝໍນາໂຍງ ແພດໄດ້ຊ່ວຍປ້ຳຫົວໃຈຈົນສາມາດຟື້ນຂຶ້ນມາມີຊີວິດໄດ້ອີກຄັ້ງ ແຕ່ເນື່ອງຈາກສະໝອງຂາດອອກຊິເຈນໄປຫຼາຍນາທີ ເຖິງຈະຟື້ນຂຶ້ນມາໄດ້ແຕ່ກໍ່ບໍ່ຄືເກົ່າ ເພາະພໍ່ມີອາການບໍ່ຮັບຮູ້ ເຄື່ອນໄຫວຮ່າງກາຍເອງບໍ່ໄດ້.

ດັ່ງນັ້ນຕອນນີ້ຄອບຄົວຈຶ່ງຂາດເສົາຫຼັກ ບໍ່ມີທີ່ເພິ່ງ ແລະ ມີລາຍໄດ້ພຽງຢ່າງດຽວຄືປູກຕົ້ນດາວເຮືອງຂາຍ ເຊິ່ງກ່ອນໜ້ານີ້ເຄີຍປູກພື້ນທີ່ຂ້າງເຮືອນ ຂາຍຕົ້ນລະ 3 ບາດ.

ໂດຍມີພໍ່ຊ່ວຍດູແລຫົດນ້ຳພວນດິນ ຕົນກັບແມ່ຕ້ອງເຮັດກັນເອງໂດຍຍັງດີທີ່ມີນ້າຊາຍມາຊ່ວຍສ້າງໂຮງເຮືອນໃຫ້ ສ່ວນວັດສະດຸທັງໄມ້ ແລະ ແຜ່ນປາລາສະຕິກກໍ່ບໍ່ໄດ້ຊື້ເພາະມີຄົນໃຈບຸນເອົາໃຫ້.

Related Posts

Leave a Reply

Your email address will not be published.