ຫົວເຫວີຍ ນຳໃຊ້ ເທັກໂນໂລຊີ ການສາກ ລົດໄຟຟ້າ ຄັ້ງທຳອີດ ທີ່ປະເທດໄທ

ຂປລ.ສະຖານີສາກໄຟ EV ທີ່ນຳໃຊ້ເທັກໂນໂລຊີ ຫົວເຫວີຍ ດິຈິຕອນ ພາວເວີ ສາກໄຟຄວາມແຮງສູງ ຈະເປີດຕົວໃນໄວໆນີ້ຢູ່ທີ່ແຂວງລະຢອງ ປະເທດໄທ. ໂມດູນການສາກ DC HiCharger 20kW ຂອງ ຫົວເຫວີຍ ໄດ້ຮັບການຄັດເລືອກໂດຍ Polytech ເນື່ອງຈາກມີປະສິດທິພາບ ແລະ ຄວາມໜ້າເຊື່ອຖືສູງ ເຊິ່ງສະຫນອງການສາກໄຟ ທີ່ມີສະຖຽນລະພາບ ແລະ ວ່ອງໄວ ສໍາລັບລົດໂດຍສານ EV ໃນທ້ອງຖິ່ນ.

ສາເຫດທີ່ ຫົວເຫວີຍຕ້ອງລົງທຶນກັບ ເທັກໂນໂລຊີ ເຄື່ອງສາກ EV ເນື່ອງຈາກໃນເດືອນ ມີນາ ປີ 2021 ລັດຖະ ບານໄທ ໄດ້ຜ່ານນະໂຍບາຍ EV ສະບັບໃໝ່ຂອງປະເທດ ເຊິງມີເປົ້າໝາຍ ເພື່ອສ້າງຄວາມໝັ້ນໃຈວ່າພາຍໃນປີ 2035 ລົດທັງໝົດທີ່ຜະລິດຢູ່ປະເທດໄທຈະເປັນລົດ EVs.

ນີ້ບໍ່ພຽງແຕ່ເປັນຂີດໝາຍ ການເພີ່ມທະວີຄວາມຄິດດ້ານສິ່ງ ແວດລ້ອມເທົ່ານັ້ນ, ແຕ່ຍັງສ້າງຄວາມໝັ້ນໃຈໃຫ້ແກ່ຕະ ຫລາດ EV ອີກດ້ວຍ. ສໍາລັບເທັກໂນໂລຊີ ສະຖານີສາກ EV ແລະ EVs ຄາດວ່າຈະເປັນແນວໂນ້ມຕໍ່ໄປທີ່ຈະທົດແທນລົດ ICE ແລະ ຊ່ວຍໃຫ້ລະດັບການປ່ອຍອາຍພິດ CO2 ແລະ PM.2.5 ຕ່ໍາລົງ;

ໃນເວລາດຽວກັນ, ເທັກໂນໂລ ຊີ ການສາກ EV ຍັງຄາດວ່າຈະສາມາດ ຮອງຮັບໄດ້ຫລາຍກ່ວາລົດນຳ້ມັນ, ແຕ່ຍັງເປັນຈຸດປ່ຽນລະຫວ່າງຕາຂ່າຍໄຟ ຟ້າ ແລະ IOV ໃນໂຄງສ້າງພື້ນຖານຂອງການສາກໄຟ.

ແນວໃດກໍຕາມ ສິ່ງທ້າທາຍຂອງໂຄງການ EV ໃນປະເທດໄທເທັກໂນໂລຊີ ສາກໄຟ EV ໄດ້ຮັບການເວົ້າເຖິງໂດຍຕະຫລອດ ແຕ່ບໍ່ຄ່ອຍໄດ້ຮັບການປະຕິບັດການໃຊ້ງານ ໂດຍສະເພາະໃນອາຊີຕາເວັນອອກສ່ຽງໃຕ້. ສິ່ງທ້າ ທາຍຕົ້ນຕໍແມ່ນການລົງທຶນ ໃນສະຖານີສາກໄຟ EV ທັງ ສອງແຫ່ງຈະນໍາໄປສູ່ການໃຊ້ຈ່າຍຢ່າງຫລວງຫລາຍໃນ CAPEX ທີ່ສ້າງຄວາມກົດດັນຕໍ່ບັນດາຝ່າຍທີ່ຕ້ອງການລົງທຶນ.

ດັ່ງນັ້ນ, ເພື່ອປົກປ້ອງການລົງທຶນເບື້ອງຕົ້ນຂອງນັກລົງທຶນ, ພື້ນຖານໂຄງລ່າງດ້ານການສາກໄຟຈໍາເປັນຕ້ອງມີຂໍ້ດີຂອງຄວາມຫນ້າເຊື່ອຖື ແລະ ປະສິດທິພາບສູງ ລວມໄປເຖິງວິວັດທະນາການໃນອະນາຄົດ.

ຢ່າງໃດກໍຕາມ ໃນຂະນະທີ່ທ່າອ່ຽງເທັກໂນໂລຢຊີ EV ຈະເຂົ້າມາໃນປະເທດໄທ ໂປແກມ ແລະ ແຄມເປນຕ່າງໆ ໄດ້ເປີດຕົວຈາກພາກສ່ວນຕ່າງໆ ເພື່ອຊ່ວຍສະໜັບສະໜູນໂຄງການ EV ນັບມື້ນັບຫລາຍຂື້ນ.

ເນື່ອງຈາກ ຫົວເຫວີຍ ເປັນບໍລິສັດ ທີ່ມີຄວາມໜ້າເຊື່ອ ຖື ແລະ ມີປະສິດທິພາບສູງ Polytech ຈຶ່ງ ເລືອກ ຫົວເຫວີຍ ໃຫ້ເປັນຜູ້ສະໜອງ ດ້ວຍລະດັບແຮງດັນໄຟຟ້າທີ່ກວ້າງ ແລະ ມີຄວາມສະຖຽນນະພາບສູງ. ພ້ອມກັບເທັກໂນ ໂລຊີ Smart O&M, ສ່ວນອັດຕາການລົ້ມເຫລວປະຈໍາປີຂອງໂມດູນການສາກໄຟ ແມ່ນຫນ້ອຍກວ່າ 0.2%, ຫລຸດຜ່ອນຄ່າໃຊ້ຈ່າຍໃນ O & M ແລະ ຄ່າໄຟຟ້າ.

ໂມດູນສາກໄຟ DC HiCharger 20kW ຂອງ ຫົວເຫວີຍ ຍັງມີການສາກຢ່າງວ່ອງໄວດ້ວຍແຮງດັນສູງ ຊ່ວຍໃຫ້ສະຖານີສາກໄຟສາມາດສາກໄດ້ເຖິງ 1.000 Vdc. ນອກຈາກນີ້ມັນຍັງສາມາດປັບຕົວເຂົ້າກັບລົດໄຟຟ້າແຮງດັນສູງ ໃນອະນາຄົດ.

ເພື່ອໃຫ້ລູກຄ້າບໍ່ຈໍາເປັນຕ້ອງຕິດຕັ້ງເພີ່ມເຕີ່ມ ແລະ ປະ ຫຍັດການລົງທຶນຂອງລູກຄ້າ. ຄຸນສົມບັດທັງໝົດນີ້ເຮັດໃຫ້ສະຖານີສາກໄຟສາມາດສະໜອງ ກະແສໄຟຟ້າໄດ້ໄວ ແລະ ໝັ້ນຄົງໃຫ້ກັບລົດ EV.

Related Posts

Leave a Reply

Your email address will not be published.