ອາເມລິກາ ຊ່ວຍໄຟເຊີຈໍານວນ 899,730 ໂດສ ຮອດ ລາວ ແລ້ວ

ວັກຊີນກັນພະຍາດໂຄວິດ-19 Pfizer ທີ່ໄດ້ຮັບການຊ່ວຍເຫຼືອຈາກລັກຖະບານສະຫະລັດອາເມລິກາຊຸດທີ່ສອງ ຈໍານວນ 899,730 ໂດສ ໄດ້ມາຮອດ ສປປ ລາວ ແລ້ວ.

ສປປ ລາວ ໄດ້ຮັບວັກຊີນ Pfizer BioNTech COVID-19 ຊຸດໃໝ່ ເຊິ່ງເປັນການຊ່ວຍເຫຼືອຈາກລັດຖະບານສະຫະລັດອາເມລິກາຜ່ານໂຄງການ COVAX Facility, ໂຄງການ COVAX ແມ່ນການຮ່ວມມືກັນລະຫວ່າງ ອົງການທີ່ເປັນພັນທະມິດດ້ານວັກຊີນ ກໍຄື ອົງການກາວີ (Gavi),

ອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), ແລະ ອົງການອະນາໄມໂລກ (WHO), ໂດຍມີອົງການຢູນິເຊັບເປັນຄູ່ຮ່ວມງານສຳຄັນໃນການຈັດສົ່ງ.

ທ່ານ ປອ ດຣ ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ ໄດ້ໃຫ້ກຽດຕ້ອນຮັບ ວັກຊິນ ດັ່ງກ່າວ ຮ່ວມກັບ ທ່ານ ປີເຕີ ເຮມອນ ເອກອັກຄະລັດຖະທູດ ແຫ່ງ ສະຫະລັດອາເມລິກາ ປະຈໍາ ສປປ ລາວ, ທ່ານ ໄມໂຄ ຮອນນີ້ງ,

ຜູ້ຕາງໜ້າອົງການ USAID ປະຈໍາ ສປປ ລາວ, ທ່ານນາງ ບີອາເຕ້ ດັສເທວ ຮັກສາການຜູ້ຕາງໜ້າອົງການຢູນິເຊັບ ປະຈຳ ສປປ ລາວ, ແລະ ທ່ານ ດຣ. ຢູ ລີ ປາກ ຮັກສາການຫ້ອງການອົງການອະນາໄມໂລກ ປະຈຳ ສປປ ລາວ ພ້ອມດ້ວຍບັນດາຄະນະກົມ ແລະ ຄະນະສູນເຂົ້າຮ່ວມ.

ວັນທີ 24 ມັງກອນ 2022 ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ

Related Posts

Leave a Reply

Your email address will not be published.