ມູນນິທິ ຊື່ຈີ ໄຕ້ຫວັນ ມອບຜະລິດຕະພັນ ຊາສະມຸນໄພ ຕ້ານໂ ຄ ວິ ດ ໃຫ້ແຂວງຈໍາປາສັກ

ຂປລ. ມູນນິທິ ຊື່ຈີ ໄຕ້ຫວັນ ສືບຕໍ່ໃຫ້ການຊ່ວຍເຫລືອ ແຂວງຈຳປາສັກ ດ້ວຍການມອບຊາສະມຸນໄພ ຕ້ານໂຄວິດ-19 ປະກອບມີ 4 ລາຍການ ຄື: Jing si herbal tea ຊາສະມຸນໄພ ຕ້ານໂຄວິດ ຈຳນວນ 2.160 ແພັກ, Jing si herbal liquid packet ສະມຸນໄພ ສະກັດ ຕ້ານໂຄວິດ ຈຳນວນ 1.081 ກ່ອງ,

Jing si herbal powder ຢາຕ້ານໂຄວິດ ແບບຜົງ ຈຳນວນ 1.080 ກ່ອງ ແລະ Jing si grain flour ຜົງພັນຍະພື້ນ ບຳລຸງ ຈຳນວນ 2.000 ແພັກ ລວມມູນຄ່າ 200 ກວ່າລ້ານກີບ.

ພິທີມອບ-ຮັບ ໄດ້ມີຂຶ້ນໃນວັນທີ 14 ມັງກອນ 2022 ທີ່ເຮືອນພັກຮັບແຂກການນໍາ ແຂວງຈຳປາສັກ, ໂດຍຕາງໜ້າໃຫ້ແກ່ມູນນິທິ ຊື່ຈີ ກ່າວມອບການຊ່ວຍເຫລືອໃນເທື່ອນີ້ ແມ່ນ ທ່ານ ບຸນເຮັງ ບຸດດາວົງ ແຊຫລໍ,

ທ່ານ ຕັ້ງອາ ແສງອາລຸນ ພ້ອມດ້ວຍ ຄະນະບໍລິຫານງານ ສະມາຄົມຈີນ ແຂວງຈຳປາສັກ, ກ່າວຮັບໂດຍ ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ ແລະ ໃຫ້ກຽດເຂົ້າຮ່ວມເປັນສັກຂີພະຍາ ຂອງ ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ມີ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ຂ່າວ-ພາບ : ທັດຊະນະ

Related Posts

Leave a Reply

Your email address will not be published.