ຝາກຢາບ້າ ນຳບໍລິສັດຂົນສົ່ງ ລົງປາກເຊ ຖືກຈັບທັງຜູ້ຮັບ ແລະ ຝາກ

ຝາກຢາບ້າ ນຳບໍລິສັດຂົນສົ່ງ ລົງປາກເຊ ຖືກຈັບທັງຜູ້ຮັບ ແລະ ຝາກ

ວັນທີ 10 ມັງກອນ ນີ້, ເຈົ້າໜ້າທີ່ ປກສ ເມືອງຫາດຊາຍຟອງ ຮັບລາຍງາຍ ຈາກບໍລິສັດຂົນສົ່ງ ມີລູກຄ້າເອົາກ່ອງເຄື່ອງມາຝາກ ໄປນະຄອນປາກເຊ ແຂວງຈໍາປາສັກ ແຕ່ມີພິລຸດໜ້າສົງໄສ ຈຶ່ງກວດກາກ່ອງເຄື່ອງດັ່ງກ່າວ ພົບຢາ 2 ມັດ ເທົ່າກັບ 4.000 ເມັດ

ຈາກນັ້ນ, ຈຶ່ງປະສານສົມທົບກັບ ເຈົ້າໜ້າທີ່ຕໍາຫຼວດ ນະຄອນປາກເຊ ແຂວງຈໍາປາສັກ ຕິດຕາມເປົ້າໝາຍ,ຈົນຮອດເວລາ 13:00 ໂມງຂອງວັນທີ 11 ມັງກອນ ກໍສາມາດຈັບເປົ້າໝາຍ ທີ່ມາຮັບເອົາກ່ອງເຄື່ອງຝາກດັ່ງກ່າວ ຊື່ ທ້າວ ສຸກສາຄອນ ອາຍຸ 28 ປີ ຢູ່ບ້ານຊົ້ງນ້ອຍ ນະຄອນປາກເຊ.

ມາຮອດເວລາ 16:00 ໂມງ ຂອງວັນດຽວກັນ, ເຈົ້າໜ້າທີ່ ປກສ ເມືອງຫາດຊາຍຟອງ ກໍຕິດຕາມຕົວຜູ້ທີ່ມາຝາກກ່ອງເຄື່ອງທີ່ມີຢາບ້າ 4.000 ເມັດ ໄດ້ ຊື່ ທ້າວ ຄໍາໃບ ອາຍຸ 30 ປີ ພັກເຊົາ ຢູ່ບ້ານທ່າມ່ວງ ເມືອງຫາດຊາຍຟອງ ນວ, ພ້ອມກວດຄົ້ນ ພົບຢາບ້າ ຕື່ມອີກ 2.005 ເມັດ ໄປດຳເນີນຄະດີ.

ທີ່ມາ: ປກສ ນະຄອນຫຼວງວຽງຈັນ

Related Posts

Leave a Reply

Your email address will not be published. Required fields are marked *