ປີ 2021 ລາວມີປະກົດຕະການໃໝ່ໆ ໃນການພັດທະນາປະເທດຊາດ

ເນື່ອງໃນໂອກາດ ຕົ້ນປີໃໝ່ສາກົນປີນີ້ ພວກເຮົາພ້ອມກັນທົບທວນຫວນຄືນເບິ່ງຜົນງານການພັດທະນາເສດຖະກິດ-ສັງຄົມຂອງລາວເຮົາມີຫຍັງແດ່?

ດັ່ງທີ່ພວກເຮົາຮູ້ນ້ຳກັນແລ້ວວ່າ, ປີ 2021 ເປັນປີທີ່ມີການລະບາດຂອງພະຍາດໂຄວິດ-19 ຢ່າງຮ້າຍແຮງໄປໃນທົ່ວໂລກ, ເຮັດໃຫ້ຫຼາຍປະເທດພົບກັບຄວາມຫຍຸ້ງຍາກໃນການພັດທະນາເສດຖະກິດ-ສັງຄົມ ແລະ ຊິວິດການເປັນຢູ່ຂອງປະຊາຊົນຢ່າງໜັກໜ່ວງ, ໃນນັ້ນ ລາວເຮົາກໍເປັນປະເທດໜຶ່ງທີ່ບໍ່ສາມາດຈະໜີພົ້ນອອກຈາກຄວາມຫຍຸ່ງຍາກລວມດັ່ງກ່າວໄດ້.

ເຖິງຢ່າງໃດກໍດີ, ໜຶ່ງປີທີ່ຜ່ານມາ ລາວເຮົາກໍມີຫຼາຍດ້ານທີ່ໄດ້ຮັບການພັດທະນາໃຫ້ດີຂຶ້ນ, ຊຶ່ງໃນນີ້ພວກເຮົາບໍ່ສາມາດທີ່ຈະລົງເລິກຜົນງານຂອງແຕ່ລະຂະແໜງການໄດ້ ແຕ່ກໍສາມາດເຫັນໄດ້ຜົນງານລວມໃຫ່ຍໆ ທີ່ພົ້ນເດັ່ນຂຶ້ນໃນຊ່ວງໜຶ່ງປີທີ່ຜ່ານມາຢ່າງເປັນຮູບປະທຳດັ່ງນີ້:

ກ່ອນອື່ນໝົດ, ດ້ານລະບົບການເມືອງ ລາວເຮົາໄດ້ສຳເລັດກອງປະຊຸມໃຫ່ຍຜູ້ແທນທົ່ວປະເທດຂອງພັກປະຊາຊົນປະຕິວັດລາວ ໃນເດືອນ ມັງກອນ ແລະ ເດືອນກຸມພາກໍສຳເລັດການເລືອກຕັ້ງສະມາຊິກສະພາແຫ່ງຊາດ ແລະ ຜູ້ແທນປະຊາຊົນຂັ້ນທ້ອງຖິ່ນທົ່ວປະເທດ, ພ້ອມດຽວກັນນີ້ ສະພາແຫ່ງຊາດຍັງໄດ້ຮັບຮອງເອົາບັນຫາຫຍຸ້ງຍາກທາງດ້ານການເງິນ ແລະ ບັນຫາຢາເສບຕິດເປັນວາລະແຫ່ງຊາດ.

ທາງດ່ວນ ນະຄອນຫຼວງ-ວັງວຽງ ຜ່ານ 3 ​ເມືອງ​ຂອງແຂວງ​ວຽງ​ຈັນ ​ແລະ ນະຄອນຫຼວງ – aHR0cHM6Ly9zLmlzYW5vb2suY29tL2xhLzAvdWQvNi8zMzgxNi91bnRpdGxlZC0xLmpwZw – ປີ 2021 ລາວມີປະກົດຕະການໃໝ່ໆ ໃນການພັດທະນາປະເທດຊາດ

ນີ້ຄືສາເຫດຕົ້ນຄໍ ແລະ ທັງເປັນສາເຫດຫຼັກໃນການເຮັດໃຫ້ປະເທດຊາດໄດ້ຮັບການພັດທະນາ ແລະ ມີການປ່ຽນແປງຢ່າງຮອບດ້ານ. ສິ່ງທີ່ພົ້ນເດັ່ນທີ່ສຸດໃນປະຫວັດສາດຂອງຊາດລາວທີ່ບໍ່ເຄີຍມີມາກ່ອນກໍຄື ລາວມີເສັ້ນທາງດ່ວນ, ມີທາງລົດໄຟຄວາມໄວສູງ; ສະຫະປະຊາຊາດໄດ້ຕົກລົງເຫັນດີໃຫ້ເວລາລາວ, ບັງຄລາເທດ ແລະ ເນປານ 5 ປີໃນຕໍ່ໜ້າ ກໍຄື ເມື່ອເຖິງປີ 2026 ໃຫ້ຫຼຸດພົ້ນອອກຈາສະຖານະພາບປະເທດດ້ອຍພັດທະນາ ຢ່າງເປັນທາງການແລ້ວ ນີ້ກໍຄືຄວາມຊື່ນຊົມໜຶ່ງອີກ ທີ່ປະຊາຊົນລາວທັງຊາດເອກອ້າງທະນົງໃຈເປັນຢ່າງຍິ່ງ; ພຽງປີດຽວ ລາວສາມາດສັກວັກຊິນ ຕ້ານໂຄວິດໃຫ້ປະຊາຊົນໄດ້ເຖິງເຄິ່ງໜຶ່ງ ຫຼື 50% ຂອງພົນລະເມືອງ ທັງເຂັມໜຶ່ງ ແລະ ເຂັມສອງ ພ້ອມດຽວກັນນັ້ນ ມາເຖິງທ້າຍເດືອນທັນວາ 2021 ກໍສາມາດຜະລິດຢາ ໂມລາໂກເວຍ ຊະນິດເມັດຕ້ານໂຄວິດ-19 ໄດ້ຢ່າງສຳເລັດ.

ລົດໄຟລາວ-ຈີນ ເປັນຄົມມະນາຄົມທີ່ສຳຄັນ! ທາງພາກສ່ວນທີ່ກ່ຽວຂ້ອງຈະຊັກຊວນນັກທຸລະກິດຈີນມາລົງທຶນຢູ່ລາວໃຫ້ນັບມື້ນັບຫຼາຍຂຶ້ນ – Lao X – image 122 – ປີ 2021 ລາວມີປະກົດຕະການໃໝ່ໆ ໃນການພັດທະນາປະເທດຊາດ

ເຖິງແມ່ນວ່າໂຄວິດ-19 ຈະສ້າງໄພຂົ່ມຂູ່ມວນມະນຸດຊາດ ກໍຄືປະຊາຊົນລາວທັງຊາດຢ່າງໜັກໜາສາຫັດ ປານໃດກໍຕາມ ແຕ່ໂດຍລວມແລ້ວເສດຖະກິດຂອງລາວກໍມີການເຕີບໂຕຢ່າງຕໍ່ເນື່ອງບໍ່ສຸດ 2,8%, ການສົ່ງອອກສິນຄ້າໄປຕ່າງປະເທດກໍມີບັນຍາກາດຄຶກຄື້ນກວ່າປີຜ່ານມາ ໂດຍສະເພາະແມ່ນການສົ່ງອອກສິນຄ້າຜ່ານເສັ້ນທາງລົດໄຟລາວ-ຈີນ ນັບແຕ່ມື້ເປີດໃຫ້ບໍລິການຢ່າງເປັນທາງການແຕ່ວັນທີ 3 ທັນວາ 2021 ຫາທີ 3 ມັງກອນ 2022 ຄົບຮອບ 1 ເດືອນ ກໍສາມາດຂົນສົ່ງສິນຄ້າໄດ້ເຖິງ 170.000 ໂຕນ ແລະ ຂົນສົ່ງຜູ້ໂດຍສານໄດ້ທັງໝົດ 670.000 ເທື່ອຄົນ.

ເຖິງແມ່ນວ່າຈະຂາດດຸນແດ່ກໍຕາມ ແຕ່ເມື່ອທຽບໃສ່ຫຼາຍປີທີ່ຜ່ານມາເຫັນວ່າມີບັນຍາກາດດີພໍສົມຄວນ, ໂຄງການພື້ນຖານໂຄງລ່າງໃຫ່ຍໆ ໄດ້ຮັບການພັດທະນາ ແລະ ວາງແຜນໄວ້ຢ່າງເປັນລະບົບ, ເປັນຕົ້ນ: ໂຄງການທາງດ່ວນ ແລະ ທາງລົດໄຟລາວ-ຫວຽດນາມ, ໂຄງການເມືຶຶອງອັດສະລິຍະ, ເຂດເສດຖະກິດສະເພາະບຶງທາດຫຼວງ ກໍເລີ່ມມີບັນຍາກາດດີຂຶ້ນ, ໂຄງການຜະລິດເປັນສິນຄ້າສົ່ງອອກຕາມແລວລົດໄຟລາວ-ຈີນ; ຜູ້ປະກອບການທຸລະກິດທັງພາກລັດ ແລະ ເອກະຊົນ ກໍໄດ້ຮັບການບູລະນະປັບປຸງໃຫ້ເຂັ້ມແຂງ ແລະ ບັນຍາກາດການເຄື່ອນໄຫວກໍດີຂຶ້ນກວ່າເກົ່າ; ໃນລະບົບການເມືອງ ແລະ ການຈັດຕັ້ງສັງຄົມ, ພະນັກງານ-ລັດຖະກອນກໍໄດ້ຮັບການປັບປຸງໃຫ້ເຂັ້ມແຂງ ແລະ ມີຄຸນນະພາບດີກວ່າເກົ່າ, ຫຼາຍສຳນັກງານ-ອົງການຂອງພາກລັດ ເຂັ້ມງວດໃນການກວດກາຕີລາຄາ,

ເລືອກເຟັ້ນ ຂັດຈ້ອນພະນັກງານຄືນໃໝ່, ມີພະນັກງານ, ທະຫານ, ຕຳຫຼວດ ຫຼາຍຄົນຖືກປະຕິບັດວິໄນເຖິງຂັ້ນເດັດຂາດ ໄລ່ອອກຈາກການຈັດຕັ້ງ ຫຼື ປົດໜ້າທີ່ຕຳແໜ່ງ, ປັບປຸງ, ຊັບຊ້ອນ, ຈັດວາງບ່ອນປະຈຳການຂອງພະນັກງານລັດຄືນໃໝ່…

ທັງໝົດນັ້ນຄືບາງດ້ານທີ່ພົ້ນເດັ່ນ ແລະ ແປກໃໝ່ໃນປີ 2021 ຊຶ່ງນັບວ່າເປັນຄວາມພາກພູມໃຈຂອງຄົນລາວທັງຊາດ ທັງເປັນປະກົດຕະການແປກໃໝ່ແຫ່ງການພັດທະນາຂອງຊາດລາວທີ່ບໍ່ເຄີຍມີມາກ່ອນ. ພວກເຮົາຄົນລາວຈົ່ງກັນປົກປັກຮັກສາໝາກຜົນນີ້ໄວ້ໃນປຶ້ມຄຳປະຫວັດສາດຂອງຊາດ ແລະ ປີໃໝ່ນີ້ ຈົ່ງພ້ອມກັນຍາດໄດ້ຜົນງານໃໝ່ຍິ່ງໃຫ່ຍກວ່າປີຜ່ານມາ ດ້ວຍຖ່ວງທ່າໃໝ່ຍິ່ງໃຫ່ຍຂຶ້ນໄປເລື້ອຍໆ.

Related Posts

Leave a Reply

Your email address will not be published.