ກໍານົດ 03 ມັງກອນ 2022 ເປັນວັນພັກຊົດເຊີຍທາງລັດຖະການ ປີໃຫມ່ ສາກົນ ປີ 2022

ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຕົກລົງ ແລະ ຊີ້ນໍາ ຂອງທ່ານ ນາຍົກລັດຖະມົນຕີ ມາຍັງທ່ານຊາບດັ່ງນີ້:

1. ເນື່ອງຈາກປີໃຫມ່ສາກົນ ວັນທີ 01 ມັງກອນ ປີ 2022 ແມ່ນກົງກັບວັນເສົາ, ສະນັ້ນ ຈຶ່ງກໍານົດເອົາ ວັນຈັນ, ວັນທີ 03 ມັງກອນ 2022 ເປັນວັນພັກຊົດເຊີຍທາງລັດຖະການ ປີໃຫມ່ ສາກົນ ປີ 2022.

2.ໃນໄລຍະຜັກປີໃຫມ່ສາກົນ 2022 ນີ້, ໃຫ້ສືບຕໍ່ປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ການລະບາດຂອງພະຍາດ COVID-19

ຕາມແຈ້ງການ ສະບັບເລກທີ 1494/ຫສນຍ, ລົງວັນທີ 14 ພະຈິກ 2021ຂອງຫ້ອງວ່າການສໍານັກງານນາຍົກລັດຖະມົນຕີ ຢ່າງເຂັ້ມງວດ ໂດຍສະເພາະຫ້າມຈັດງານຊຸມແຊວ, ເຕົ້າໂຮມ ແລະ ຈັດກິດຈະກໍາສ້າງສັນດ້ວຍຮູບການຕ່າງໆ ພ້ອມທັງບໍ່ໃຫ້ອົງການຈັດຕັ້ງພັກ-ລັດ ທຸກຂັ້ນ ຈັດການສະເຫຼີມສະຫຼອງ ຫຼື ອວຍພອນກັນ ຢ່າງເດັດຂາດ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດຕາມຈິດໃຈຊີ້ນໍາຂ້າງເທິງນີ້ດ້ວຍ.

ແຈ້ງການ.

Related Posts

Leave a Reply

Your email address will not be published. Required fields are marked *