ເຕັງແຊັມມາພົບກັນ ທີມຊາດໄທ ພົບ ທີມຊາດຫວຽດນາມ ການແຂ່ງຂັນບານເຕະຊີງແຊັມອາຊຽນ

ເຕັງແຊັມມາພົບກັນ ທີມຊາດໄທ ພົບ ທີມຊາດຫວຽດນາມ ການແຂ່ງຂັນບານເຕະຊີງແຊັມອາຊຽນ

ການແຂ່ງຂັນບານເຕະຊີງແຊັມອາຊຽນ ຫຼື AFF SUZUKI CUP 2020 ຮອບ 4 ທີມສຸດທ້າຍ ນັດທໍາອິດ ວັນທີ 23 ທັນວາ 2021 ນີ້ ເວລາ 19:30 ໂມງ ເອີ້ນໄດ້ວ່າເປັນຄູ່ລຸ້ນແຊ້ມ ເປັນການພົບກັນລະຫວ່າງ ທີມຊາດຫວຽດນາມ (ແຊັມເກົ່າ ເຊິ່ງໄດ້ແຊັມລາຍການນີ້ປີ 2008 ແລະ 2018 ) ພົບກັບ ທີມຊາດໄທ ແຊັມກຸ່ມ A (ເຈົ້າຂອງແຊັມ 5 ສະໄໝ 1996, 2000, 2002, 2014 ແລະ 2016).

ຜົນການແຂ່ງຂັນຜ່ານມາ ທີມຊາດໄທ ລົງແຂ່ງຂັນ 4 ນັດ ຊະນະທັງໝົດ ແລະ ຍິງໄດ້ເຖິງ 10 ປະຕູ, ເສຍພຽງປະຕູດຽວ ມີ 12 ຄະແນນ ເຂົ້າຮອບ 4 ທີມໃນຖານະແຊັມກຸ່ມ A.

ສ່ວນທີມຊາດຫວຽດນາມ ລົງສະໜາມ 4 ນັດ ຊະນະ 3 ແລະ ສະເໝີ 1 ນັດ ຍິງໄດ້ 9 ປະຕູ ແລະ ຍັງບໍ່ເສຍປະຕູມີ 10 ຄະແນນ ເຂົ້າຮອບໃນຖານະອັນດັບ 2 ກຸ່ມ B.

ການແຂ່ງນັດທີ 2 ແມ່ນຈະແຂ່ງຂັນກັນອີກໃນວັນທີ 26 ທັນວາ 2021 ເພື່ອຄັດເອົາທີມຊະນະເຂົ້າຮອບຊີງຊະນະເລີດໄປພົບກັບ ທີມຊະນະອີກຄູ່ໜຶ່ງລະຫວ່າງ ອິນໂດເນເຊຍ ຫຼື ສິງກະໂປ ທີ່ແຂ່ງຂັນກັນໃນວັນທີ 22 ທັນວາ ຜ່ານມາ ສະເໝີກັບທີ 1-1 ປະຕູ ແລະ ຍັງຈະແຂ່ງຂັນອີກໃນນັດທີ 2.

ຂໍ້ມູນຈາກ: ເສດຖະກິດການຄ້າ, ຮູບ:

Vietnam.net

Related Posts

Leave a Reply

Your email address will not be published.