ເມືອງ ທຸລະຄົມ ອະໄພຍະໂທດປ່ອຍຕົວນັກໂທດ 117 ຄົນ

ໃນວັນທີ 3 ທັນວາ ນີ້ ທີ່ ຄ້າຍຄຸມຂັງຕານປ່ຽວ ເມືອງທຸລະຄົມ ແຂວງວຽງຈັນ ກົມຕໍາ ຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫງົບ ໄດ້ຈັດພິທີປະກາດ ໃຫ້ ອະໄພຍະໂທດປ່ອຍຕົວນັກໂທດ ໄລຍະປ້ອງກັນ,

ສະກັດກັ້ນ ແລະ ຄວບຄຸມການແຜ່ ລະບາດພະຍາດໂຄວິດ-19 ປີ 2021 ທັງໝົດ 117 ຄົນ ຍິງ 12 ຄົນ ໃນນີ້ຕ່າງ ປະເທດ 13 ຄົນ ຍິງ 3 ຄົນ, ຄະດີຢາເສບຕິດ 97 ຄົນ ຍິງ 12 ຄົນ ໃນນີ້ຕ່າງປະເທດ 13 ຄົນ ຍິງ 3 ຄົນ, ຄະດີທົ່ວໄປ 20 ຄົນ ຍິງ 0 ຄົນ,

ພາຍໃຕ້ການເປັນປະທານຂອງ ທ່ານ ພົຈວ ສົມລິດ ດາວຮຸ່ງສຸລິດ ເລຂາຄະນະພັກ ຫົວໜ້າກົມຕຳຫຼວດຄຸມຂັງ-ດັດ ສ້າງ ກະຊວງປ້ອງກັນຄວາມສະຫງົບ ຊຶ່ງມີພະນັກງານຈາກພາກສວ່ນກ່ຽວຂ້ອງ ເຂົ້າຮ່ວມ.

ໃນການອະໄພຍະໂທດປ່ອນຕົວນັກໂທດ ແມ່ນອີງຕາມ ລັດຖະດຳລັດຂອງປະທານ ປະເທດ ສະບັບເລກທີ 212/ປປທ, ລົງວັນທີ 18 ຕຸລາ 2021 ການອະໄພຍະໂທດ ປ່ອຍຕົວ ແມ່ນ ການປະຕິບັດນະໂຍບາຍດ້ານມະນຸດສະທຳ ຂອງ ພັກ-ລັດ ເພື່ອເປັນ ການສຶກສາອົບຮົມ ນັກໂທດ ໃຫ້ເຫັນໄດ້ແນວທາງນະໂຍບາຍອັນຖືກຕ້ອງ ແລະ ເປັນທຳຂອງພັກ-ລັດ,

ເຮັດໃຫ້ນັກໂທດບຸກໜ້າບືນຕົວຝຶກຝົນຫຼໍ່ຫຼອມດັດສ້າງ ຕົນເອງ ໃຫ້ກາຍເປັນພົນລະເມືອງດີຂອງຊາດ, ຂອງສັງຄົມ ແລະ ສາກົນຮັບຮູ້ເຂົ້າໃຈ ຕໍ່ແນວທາງນະໂຍບາຍດ້ານມະນຸດສະທຳຂອງພັກ ແລະ ລັດ.

ທີ່ມາ: ຂ່າວ ປກສ

Related Posts

Leave a Reply

Your email address will not be published. Required fields are marked *