ຈະລາຈອນ ກໍາລັງປະຕິບັດໜ້າທີ່ ກວດພົບຍິງຕ້ອງສົງໃສ ມີຂອງກາງ 56 ເມັດ

ໃນເວລາ 15 ໂມງ 45 ນາທີ ຂອງວັນທີ 4 ພະຈິກ 2021, ເຈົ້າໜ້າທີ່ຕໍາຫຼວດຈະລາຈອນກໍາລັງປະຕິບັດໜ້າທີ່ປະຈໍາຢູ່ປ້ອມຍາມຫຼັກ 6 ໄດ້ພົບເຫັນລົດຈັກເວບ 100 ສີຟ້າດໍາ ບໍ່ມີໝາຍເລກທະບຽນ ຂັບຂີ່ໂດຍນາງ ດີນາ ອາຍຸ 19 ປີ ອາຊີບ ປະຊາຊົນ ຢູ່ບ້ານຮ່ອງສຸພາບ ເມືອງໄຊເຊດຖາ ນະຄອນຫຼວງວຽງຈັນ

ເຊິ່ງຂັບມາແຕ່ທາງດົງໂດກ ມຸ່ງໜ້າຈະໄປທາງໄຟອໍານາດຫໍປະຊຸມແຫ່ງຊາດ ແຕ່ຜູ້ກ່ຽວຫຼຽວເຫັນເຈົ້້າໜ້າຕໍາຫຼວດຈະລາຈອນທີ່ປະຈໍາຢູ່ປ້ອມຍາມ ຈຶ່ງລ້ຽວຂວາເຂົ້າຮ່ອມຂ້າງຫໍປະຊຸມແຫ່ງຊາດ ເມື່ອເຈົ້າໜ້າທີ່ຕໍາຫຼວດຈະລາຈອນເຫັນຜູ້ກ່ຽວເຮັດທ່າທີມີພິຫຼຸດ ຈຶ່ງໄດ້ຂັບລົດນໍາຕົວຜູ້ກ່ຽວ ແລະ ຂໍຄວາມຮ່ວມມືໃຫ້ຢຸດຈອດ ເພື່ອກວດກາເອກະສານ ແລະ ສອບຖາມ ເວລານັ້ນຜູ້ກ່ຽວໄດ້ຖີ້ມຖົງຢາງທີ່ມີຢາບ້າຈໍານວນ 56 ເມັດລົງຂ້າງທາງ ແຕ່ປະຊາຊົນພາຍໃນບ້ານພະຂາວເຫັນຈຶ່ງໄດ້ເຂົ້າມາຊ່ວຍຈັບຕົວຜູ້ກ່ຽວ.

ຈາກນັ້ນ, ເຈົ້າໜ້າທີ່ຕໍາຫຼວດຈະລາຈອນປະຈໍາຢູ່ປ້ອມຍາມຫຼັກ 6 ຈຶ່ງໄດ້ສົ່ງຕົວຜູ້ກ່ຽວໃຫ້ ພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ນວ ສືບຕໍ່ເປີດກ້ວາງຂະຫຍາຍຜົນ ຫາກຸ່ມແກ້ງທີ່ຮ່ວມຂະບວນການ ມາດໍາເນີນຄະດີຕາມລະບຽບກົດໝາຍ.

ກອງບັນຊາການ ປກສ ນວ ຮຽກຮ້ອງມາຍັງພົນລະເມືອງທຸກຄົນ ຈົ່ງມີສ່ວນຮ່ວມເຂົ້າໃນວຽກງານຮັກສາຄວາມສະຫງົບ ເພື່ອຊ່ວຍສະກັດກັ້ນ ການກະທໍາທີ່ແຕະຕ້ອງເຖິງສາຍພົວພັນສັງຄົມ ທີ່ກົດໝາຍກໍານົດໄວ້ ຖ້າພົບເຫັນປະກົດການຫຍໍ້ທໍ້ຕ່າງໆເກີດຂຶ້ນສາມາດແຈ້ງມາໄດ້ 2 ຊ່ອງທາງຄື: ແຈ້ງມາວ໋ອດແອັບເບີ 020 28899774 ຫຼື ທາງເຟສບຸກ ປກສ ນວ.

Related Posts

Leave a Reply

Your email address will not be published. Required fields are marked *