ລູກຄ້າທະນາຄານ-ສະຖາບັນການເງິນ ຫລາຍ ແສນລາຍ

ລູກຄ້າທະນາຄານ-ສະຖາບັນການເງິນ ຫລາຍ
ແສນລາຍ ໄດ້ຮັບນະໂຍບາຍຜ່ອນຜັນຊ່ວງໂຄວິດ

ຂ່າວສານປະເທດລາວ ໄດ້ລາຍງານວ່າ: ນັບແຕ່ເກີດການລະບາດ ຂອງພະຍາດໂຄວິດ-19 ຜ່ານມານີ້, ລັດໄດ້ວາງນະໂຍບາຍກ່ຽວກັບການຜ່ອນຜັນດ້ານສິນເຊື່ອໃຫ້ຜູ້ທີ່ໄດ້ຮັບຜົນກະທົບຈາກໂຄວິດ-19 ເພື່ອສົ່ງເສີມຟື້ນຟູທຸລະກິດ, ສົ່ງເສີມການຜະລິດຂອງພາກທຸລະກິດ ເພື່ອການຊົມໃຊ້ພາຍໃນ ແລະ ສົ່ງອອກ ນັບວ່າເປັນປະເດັນສໍາຄັນທີ່ ສະມາຊິກສະພາແຫ່ງຊາດ (ສສຊ) ໃນຫລາຍເຂດເລືອກີງໂອກາດນີ້, ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ (ທຫລ) ກໍໄດ້ຊີ້ແຈງ ວ່າ:

ໃນໄລຍະທີ່ມີການລະບາດຂອງພະຍາດໂຄວິດ-19 ທຫລ ໄດ້ສືບຕໍ່ຊຸກຍູ້ການປະຕິບັດນະໂຍບາຍຜ່ອນຜັນດ້ານສິນເຊື່ອໃຫ້ແກ່ລູກຄ້າເງິນກູ້ຂອງທະນາຄານທຸລະກິດ ແລະ ສະຖາບັນການເງິນທີ່ບໍ່ແມ່ນທະນາຄານ ທີ່ໄດ້ຮັບຜົນກະທົບ ເປັນຕົ້ນ ການເລື່ອນເວລາການຊໍາລະໜີ້, ການປັບຫລຸດອັດຕາດອກເບ້ຍ-ຄ່າທໍານຽມ,

ການສະໜອງເງິນກູ້ບ້ວງໃໝ່ ແລະ ການປັບໂຄງສ້າງໜີ້ເງິນກູ້.

ສໍາລັບທະນາຄານທຸລະກິດມີລູກຄ້າສິນເຊື່ອທີ່ໄດ້ຮັບຜົນກະທົບທັງໝົດຈໍາ ນວນ 11.046 ລາຍ ລວມມູນຄ່າ 19.857,51 ຕື້ກີບ. ປັດຈຸບັນ ກໍາລັງສືບຕໍ່ປະຕິບັດນະໂຍ ບາຍຜ່ອນຜັນດ້ານສິນເຊື່ອທັງໝົດ 6.090 ລາຍ ລວມມູນຄ່າ 15.750,31 ຕື້ກີບ ກວມເອົາ 14,92% ຂອງຍອດເງິນກູ້ທົ່ວລະບົບ.

ນະໂຍບາຍສິນເຊື່ອທີ່ທະນາຄານປະຕິບັດສ່ວນ ໃຫຍ່ແມ່ນການເລື່ອນຊໍາລະໜີ້ທັງຕົ້ນທຶນ ແລະ ດອກເບ້ຍ, ຮອງລົງມາແມ່ນນະໂຍບາຍການປັບຫລຸດອັດຕາດອກເບ້ຍ, ນະໂຍບາຍປັບຫລຸດຄ່າທໍານຽມ ແລະ ນະໂຍບາຍປ່ອຍກູ້ໃໝ່ເພື່ອຟື້ນຟູການ ຜະລິດ. ຖ້າລົງເລິກສິນເຊື່ອຕາມຂະແໜງການເສດຖະກິດເຫັນວ່າຂະແໜງການຄ້າ ກວມເອົາ 29%, ຮອງລົງມາແມ່ນຂະແໜງບໍລິ ການ ກວມ 24%, ອຸດສາຫະກໍາ ກວມ 23%, ຂະແໜງກໍ່ສ້າງ ກວມ 12%, ກະສິກໍາ ກວມ 5% ແລະ ຂະແໜງອື່ນໆ ກວມ 7% ຂອງເງິນກູ້ທີ່ໄດ້ຮັບນະໂຍບາຍທັງໝົດ.

ສໍາລັບສະຖາບັນການເງິນທີ່ບໍ່ແມ່ນທະນາຄານ ມີລູກຄ້າສິນເຊື່ອທີ່ໄດ້ຮັບຜົນກະທົບຈາກການລະບາດຂອງພະ ຍາດ ທັງໝົດ 459.681 ລາຍ ລວມມູນຄ່າເກືອບ 300 ຕື້ກີບ. ປັດຈຸບັນ ສະຖາບັນການເງິນທີ່ບໍ່ແມ່ນທະນາຄານ ກໍາລັງສືບຕໍ່ປະຕິບັດນະໂຍບາຍຜ່ອນຜັນ ດ້ານສິນເຊື່ອທັງ ໝົດ 5.504 ລາຍ ລວມມູນຄ່າ 31,94 ຕື້ກີບ ກວມເອົາ 0,52% ຂອງຍອດເງິນກູ້ທົ່ວລະບົບ.

ນະໂຍບາຍສິນເຊື່ອທີ່ປະຕິບັດສ່ວນໃຫຍ່ແມ່ນນະໂຍບາຍເລື່ອນຊໍາລະໜີ້ທັງຕົ້ນທຶນ ແລະ ດອກເບ້ຍ, ຮອງລົງມາແມ່ນນະໂຍບາຍຍົກເວັ້ນຄ່າປັບໃໝ ແລະ ຄ່າທໍານຽມໃຫ້ລູກຄ້າ. ໃນນີ້ຂະແໜງການຊົມໃຊ້ແມ່ນກວມເອົາຫລາຍກວ່າ 81%, ຮອງລົງມາແມ່ນຂະແໜງບໍລິການ ກວມເອົາ 7%, ຄ້າຂາຍ ແລະ ການຄ້າ ກວມ 5%, ສ່ວນທີ່ເຫລືອແມ່ນຂະແໜງການອື່ນໆ.

ສ່ວນການປະຕິບັດໂຄງການສິນເຊື່ອເພື່ອຊຸກຍູ້ການຜະ ລິດ ແລະ ແກ້ໄຂຜົນກະທົບຈາກການລະບາດຂອງພະຍາດໂຄວິດ-19 ບ້ວງ 1.800 ຕື້ກີບ ທີ່ໄດ້ອະນຸມັດແລ້ວໃຫ້ລູກ ຄ້າ 503 ລາຍ. ມາຮອດປັດຈຸບັນ ໄດ້ມີການເບີກຖອນນໍາໃຊ້ແລ້ວ 1.665 ຕື້ກີບ. ໃນນັ້ນ ເປັນສິນເຊື່ອໃຫ້ຂະແໜງກະສິກໍາ, ປູກຝັງ ແລະ ລ້ຽງສັດ ກວມ 58% ຂອງຍອດການປ່ອຍກູ້ທັງໝົດ ແລະ ສ່ວນທີ່ເຫລືອແມ່ນຂະແໜງການຫັດຖະກໍາ, ອຸດສາຫະກໍາປຸງແຕ່ງ, ຂະແໜງການທ່ອງທ່ຽວ, ການບໍລິການປິ່ນອ້ອມ ແລະ ທຸລະກິດອື່ນໆ ທີ່ສົ່ງເສີມການຜະລິດ ແລະ ການສົ່ງອອກ ໃນຂອບເຂດທົ່ວປະເທດ ຄື:

ນະຄອນຫລວງວຽງຈັນ ກວມ 39%, ແຂວງວຽງຈັນ ກວມ 18%, ຈໍາປາສັກ ກວມ 11% ຂອງຍອດການປ່ອຍກູ້ທັງໝົດ ແລະ ຢູ່ບັນດາແຂງອື່ນໆໃນທົ່ວປະເທດ.

Related Posts

Leave a Reply

Your email address will not be published. Required fields are marked *