ຢາກໃຫ້ຫຼາຍຄົນໄດ້ອ່ານ! ນິທານເສດຖີສອນລູກ ເຄັດລັບຄວາມລວຍ ມີຢູ່ 4 ຂໍ້

ນິທານເສດຖີສອນລູກ ເຄັດລັບຄວາມລວຍ ມີຢູ່ 4 ຂໍ້
1. ໄປເຮັດວຽກ ຢ່າຖືກແດດ 2. ກິນອາຫານໃຫ້ແຊບ 3. ບັນຊີບໍ່ຕ້ອງເຮັດ 4. ໃຫ້ກັບບ້ານເດິກໆ
ເຄີຍສັງເກດກັນບໍ່ວ່າ? ຄົນເຊື້ອສາຍຈີນ/ຫວຽດທີ່ມາຢູ່ລາວ ມັກມາແບບຕົວເປົ່າມືເປົ່າ ແຕ່ເຂົາເຈົ້າພັດສ້າງຖານະໃຫ້ລ້ຳລວຍຂຶ້ນມາເລື້ອຍໆ ຍ້ອນຄຳສັ່ງສອນທີ່ສືບກັນມາລຸ້ນຕໍ່ລຸ້ນ.
ເຊິ່ງມີເລື່ອງເລົ່າຢູ່ວ່າ ມີເຈົ້າສົວລວຍລະດັບຫຼາຍພັນລ້ານຄົນໜຶ່ງ ກ່ອນທີ່ຈະຈາກໄປ ໄດ້ຖິ້ມມໍລະດົກໄວ້ໃຫ້ກັບລູກຊາຍຂອງລາວພຽງຄົນດຽວ.
ແລະໄດ້ຂຽນພິໄນກຳບອກເລົ່າເຄັດລັບຄວາມສຳເລັດເອົາໄວ້ວ່າ: “ລູກເອີຍ…ພໍ່ຢາກໃຫ້ເຈົ້າເຮັດຕາມທີ່ພໍ່ສັ່ງເດີ! ເຄັດລັບຄວາມລວຍນັ້ນມີພຽງ 4 ເທົ່ານັ້ນ!”

1 ໄປເຮັດວຽກຢ່າຖືກແດດ
2 ກິນອາຫານໃຫ້ແຊບໆ
3 ບັນຊີບໍ່ຕ້ອງເຮັດ
4 ກັບບ້ານເດິກໆ
ເມື່ອລູກໄດ້ເປີດອ່ານພິໄນກຳກໍງົງໆ ສົງໄສວ່າເຮັດແບບນີ້ ແລ້ວຈະດີແທ້ຫວະ? ແຕ່ກໍເຮັດຕາມແບບງົງໆ.
2 ປີຜ່ານໄປ ສົມບັດຫຼາຍພັນລ້ານສູນຫາຍໄປແບບບໍ່ເຫຼືອຫຍັງ?

ລູກຊາຍໄດ້ຈຸດທູບໄປຕໍ່ວ່າພໍ່ “ພໍ່ ລູກເຮັດຕາມທີ່ພໍ່ບອກທຸກຢ່າງແລ້ວ ແຕ່ເປັນຫຍັງຈຶ່ງຈົນລົງໆ ພໍ່ເຮັດໃຫ້ລູກໝົດໂຕ ໃນຄືນນັ້ນເອງ ເຈົ້າສົວຮີບເຂົ້າຝັນມາຕອບກັບວ່າ “ປະທິໂທ້!!! ລູກເຂົ້າໃຈຜິດໝົດ ຟັງພໍ່ໃຫ້ດີ”
1. ໄປເຮັດວຽກຢ່າຖືກແດດ
ພໍ່ໝາຍເຖິງ ຕາເວັນຍັງບໍ່ຂຶ້ນ ລູກຕ້ອງໄປວຽກກ່ອນທີ່ພະນັກງານຈະມາເຮັດວຽກ ເພື່ອເຂົາເຈົ້າຈະໄດ້ເຫັນເອົາເປັນແບບຢ່າງ ລູກນ້ອງຈະເຮັດຕາມແບບເຮົາ ບໍ່ແມ່ນຕາມທີ່ເຮົາສັ່ງ ເຂົ້າໃຈບໍ່? ລູກພັດໄປເຮັດວຽກເອົາຕອນຄໍ່າ ຈິບຫາຍເລີຍ! ລູກນ້ອງກໍພາກັນຂີ້ຄ້ານໄປພ້ອມ.

4. ກັບບ້ານເດີກໆ
ພໍ່ໝາຍເຖິງ ພະນັກງານກັບໝົດກ່ອນ ຈະໄດ້ກວດເບິ່ງໃຫ້ດີ ວ່າລູກນ້ອງເຮັດວຽກຫຍັງຫຼົງເຫຼືອຕົກຄ້າງໄວ້ຢູ່ບໍ? ປິດໄຟ ປິດນ້ຳ ປິດປະຕູໝົດຫລືບໍ່? ໃຫ້ຮອຍຄອບ ບໍ່ໄດ້ໃຫ້ລູກໄປທ່ຽວກັບເດິກດື່ນທຸກມື້ ແບບນີ້ບໍ່ຫລົ້ມຈົມກໍບໍ່ຮູ້ຈະວ່າແນວໃດ?
2 ກິນອາຫານໃຫ້ແຊບໆ
ພໍ່ໝາຍເຖິງ ບໍ່ຫິວ ຢ່າກິນ ໃຫ້ຫິວແລ້ວຄ່ອຍກິນ ອາຫານຫຍັງກໍໄດ້? ກິນຫຍັງມັນກໍຈະແຊບໄປຫມົດ ເພາະຄວາມຫິວ ບໍ່ແມ່ນໃຫ້ລູກໄປກິນບຸບເຟ່ໃນຮ້ານທຸກມື້ ຖ້າກິນແບບນີ້ ຮອດຍາມອີ່ມກໍຍັງໄປກິນ ແບບນີ້ຈິບຫາຍເລີຍ! ກິນໂພດກິນເຫຼືອແບບນີ້ບໍ່ແຊບດອກ! ເຮັດວຽກໃຫ້ເມື່ອຍໆຈົນຫິວອີຫລີ ແລ້ວຈຶ່ງຄ່ອຍກິນ.
3. ບັນຊີ ບໍ່ຕ້ອງເຮັດ
ພໍ່ໝາຍເຖິງ ໃຫ້ຄ້າຂາຍແຕ່ເງີນສົດ ບໍ່ຂາຍແບບຜ່ອນ/ດາວ ບໍ່ຕ້ອງເຮັດບັນຊີ ບໍ່ແມ່ນຂາຍຜ່ອນແລ້ວແລ້ວຍັງບໍ່ເຮັດບັນຊີ ແບບນີ້ກໍມີແຕ່ເຈ໊ງກັບເຈ໊ງ.
ລູກເອີຍ! ໃຫ້ລູກໄປຫາເງີນໃໝ່ເອງກໍແລ້ວກັນ ພໍ່ໄປລະເດີ!

ເມື່ອເຮົາມາລອງທົບທວນເບິ່ງເລື່ອງຂ້າງຕົ້ນ ແມ່ນມັນແຝງໄປດ້ວຍແງ່ຄິດ ແລະຫຼັກການໃນການໃຊ້ຊີວິດຂອງບັນດາເຈົ້າສົວຄົນລວຍທັງຫລາຍ ບໍ່ວ່າຈະດຸໝັ່ນເຮັດວຽກ ເລີ່ມວຽກກ່ອນກັບພາຍຫລັງ ຫລືການເຮັດຕົວເປັນແບບຢ່າງທີ່ດີໃຫ້ກັບລູກນ້ອງ.
ຖືເປັນເລື່ອງລາວດີໆ ທີ່ໄດ້ນຳມາເລົ່າຕໍ່ ຊຶ່ງຂໍ້ຄິດດີໆນີ້ອາດຈະຊ່ວຍໃຫ້ເຈົ້າໄດ້ຄິດອິຫຍັງໄດ້ແດ່ ບາງຄົົນທີ່ເຂົາເຮັດຫຍັງກໍສຳເລັດ ບາງເທື່ອເຂົາອາດຈະຮູ້ເຄັດລັບດີໆແບບນີ້ ແບບທີ່ເຈົ້າສົວທ່ານນີ້ ໄດ້ສອນໄວ້ກໍໄດ້.

ແຫຼ່ງທີ່ມາ : aansanook.com , bitcoretech.com

Related Posts

Leave a Reply

Your email address will not be published. Required fields are marked *