ຊົມເຊີຍ ຄະນະແພດໝໍ ແຂວງຄຳມ່ວນ

ຊົມເຊີຍ ຄະນະແພດ – ໝໍ ແຂວງຄຳມ່ວນປິ່ນປົວຜູ້ຕິດເຊື້້ອພະຍາດໂຄວິດ -19 ຫາຍດີ 36 ຄົນ.

ຕາມການລາຍງານຂອງກອງເລຂາຄະນະສະເພາະກິດແຂວງຄຳມ່ວນໃຫ້ຮູ້ວ່າ : ໃນລະຫວ່າງວັນທີ 12 – 14 ຕຸລາ 2021 ຄະນະແພດ – ໝໍ ທີ່ປິ່ນປົວຜູ້ຕິດເຊື້ອພະຍາດໂຄວິດ-19 ຢູ່ສູນປິ່ນປົວໃນທົ່ວແຂວງຫາຍດີປົກກະຕິ ແລະ ກັບບ້ານແລ້ວຈຳນວນ 36 ຄົນ.

ເຊິ່ງຜູ້ຕິດເຊຶ້ອພະຍາດດັ່ງກ່າວໄດ້ເຂົ້າສູນປິ່ນປົວ ໃນວັນທີ່ 25 – 27 ກັນຍາ 2021. ສະເພາະການປິ່ນປົວພະຍາດໂຄວິດ-19 ຫາຍດີ ແລະ ຄົບກຳນົດຢູ່ສູນປິ່ນປົວໂຮງໝໍທະຫານໃນ 3 ວັນຜ່ານມາມີ 13 ຄົນ, ຍິງ 5 ຄົນ.

ທົ່ວແຂວງມີສູນປິ່ນປົວ 06 ສູນຄື : ສູນວັດທະນະທຳ, ສູນໂຮງໝໍທະຫານ, ສູນມໍປາຍ, ສູນ 21 ມີນາ, ສູນມໍປາຍ2 ( ຄາຍຢວນ ) ແລະ ສູນລາວຄາຍຢວນ. ມາຮອດປະຈຸບັນນີ້ທົ່ວແຂວງມີຈຳນວນຜູ້ຕິດເຊື້ອສະສົມທັງໝົດ 2.783 ຄົນ, ຍິງ 1.226 ຄົນ, ປິ່ນປົວຫາຍດີສະສົມ 2.021 ຄົນ, ກຳລັງປິ່ນປົວຢູ່ 761 ຄົນ, ຍິງ 200 ຄົນ. ເສຍຊີວີດສະສົມ 01 ຄົນ/ເພດຍິງ.

ຂ່າວ: Khammouane​ news

Related Posts

Leave a Reply

Your email address will not be published. Required fields are marked *