ມາອີກແລ້ວ! ພາຍຸເຂດຮ້ອນ ໄລອອນລອກ ກຳລັງເຄື່ອນທີ່ເຂົ້າມາລາວ ກະທົບ 14 ແຂວງທົ່ວປະເທດ

ພາຍຸເຂດຮ້ອນ ໄລອອນລອກ (LIONROCK) ຈະສືບຕໍ່ເຄື່ອນຂຶ້ນຝັ່ງທາງ ພາກເໜືອປະເທດຫວຽດນາມ ໃນໄລຍະວັນທີ 09 ຫາ 10 ຕຸລາ 2021,

ຫຼັງຈາກນັ້ນ ຈະອ່ອນກຳລັງເປັນພາຍຸດີເປຼ່ຊັນ ແລະ ເຄື່ອນທີ່ຜ່ານພາກເໜືອ ແລະພາກກາງຂອງ ສປປ ລາວ ໄລຍະວັນທີ 10 ຫາ 11 ຕຸລາ 2021 ນີ້

ຊຶ່ງຈະເຮັດໃຫ້ມີຝົນຕົກໃນລະດັບປານກາງ ຫາໜັກ ພ້ອມມີລົມພັດແຮງຢູ່ບາງທ້ອງຖິ່ນ ເຊັ່ນ: ແຂວງ ຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ ແລະ ສະຫວັນນະເຂດ,

ພາຍຸຈະເຮັດໃຫ້ເກີດມີຕົ້ນໄມ້ຫັກລົ້ມ, ຫຼັງຄາເຮືອນເປ່ເພ, ນໍ້າຖ້ວມອັ່ງ ໃນໄລຍະວັນທີ 10 ຫາ 12 ຕຸລາ 2021 ນີ້

ປະຊາຊົນບັນດາເຜົ່າທີ່ອາໄສຢູ່ບັນດາແຂວງດັ່ງກ່າວ ຈົ່ງມີສະຕິລະມັດລະວັງຕໍ່ ສະພາບດິນເຈື່ອນ, ນໍ້າຖ້ວມຊູ, ນ້ຳຖ້ວມຍີ່ງ ແລະ ລົມພັດແຮງ ທີ່ກຳລັງຈະເກີດຂື້ນ

Related Posts

Leave a Reply

Your email address will not be published. Required fields are marked *