ນະຄອນຫຼວງວຽງຈັນ ແຈ້ງການເລື່ອງ ການເຮັດໜັງສືຢັ້ງຢືນ

– ອີງຕາມ ຄໍາສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021;

– ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 1187/ຫສນຍ, ລົງວັນທີ 18ກັນຍາ 2021;

– ອີງຕາມ ຄໍາສັ່ງເຈົ້າຄອງນະຄອນຫຼວງວຽງຈັນ ສະບັບເລກທີ 016/ຈນວ, ລົງວັນທີ 19 ກັນຍາ 2021 ກ່ຽວກັບມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຢູ່ນະຄອນຫຼວງວຽງຈັນ;

– ອີງຕາມ ການຊີ້ນໍາ ຂອງກອງປະຊຸມຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະ ຍາດ CoVID-19 ນະຄອນຫຼວງວຽງຈັນ ຄັ້ງວັນທີ 20 ກັນຍາ 2021.

ຫ້ອງວ່າການນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງບັນດາທ່ານເພື່ອຊາບ ແລະ ຈັດຕັ້ງປະຕິບັດ ດັ່ງນີ້:

ໃຫ້ ບັນດາທ່ານຫົວຫນ້າຫ້ອງການ ຂອງການຈັດຕັ້ງທຸກພາກສ່ວນ ເປັນເຈົ້າການເຮັດຫນັງສືຢັ້ງຢືນໃຫ້ພະນັກງານຂອງຕົນ ທີ່ ປະຈໍາການ ໂດຍໃຫ້ມີເນື້ອໃນ ດັ່ງນີ້:

ຊື່ ນາມສະກຸນ, ກົມກອງສັງກັດ, ເລກບັດປະຈໍາຕົວ (ບັດພະງານ ຖ້າມີ) ບ່ອນພັກອາໃສ, ເຮືອນເລກທີ, ຊື່ບ້ານ, ຊື່ເມືອງ ແລະ ອື່ນໆ ທີ່ສາມາດກວດສອບໄດ້, ເປັນບຸກຄົນບໍ່ຢູ່ເຂດບ້ານແດງ.

© ເປັນບຸກຄົນໄດ້ຮັບວັກຊີນຄົບໂດສ (ຖືບັດຮັບວັກຊີນມາພ້ອມ), ບໍ່ແມ່ນຜູ້ສໍາຜັດໃກ້ຊິດກັບຜູ້ຕິດເຊື້ອ (C1), ວັນ ທີ່ປະຈໍາການ(ຕາຕະລາງປະຈໍາການ).

ຫມາຍເຫດ: – ຖ້າຖືກມື້ປະຈໍາການໃຫ້ຖືເອກະສານຢັ້ງຢືນຈາກກົມກອງ ເພື່ອແຈ້ງຕໍ່ເຈົ້າຫນ້າທີ່ປະຈໍາດ່ານກວດກາທຸກຄັ້ງ.

– ກໍລະນີບໍ່ແມ່ນມື້ປະຈໍາການແຕ່ມີວຽກຈໍາເປັນ ຕ້ອງມີການຢັ້ງຢືນຈາກກົມກອງສະເພາະ ຫຼື ໄດ້ຮັບອະນຸຍາດຈາກຄະນະສະເພາະກິດ.

ດັ່ງນັ້ນ, ຈື່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດ ຕາມເນື້ອໃນຂ້າງເທິງດ້ວຍ.

Related Posts

Leave a Reply

Your email address will not be published. Required fields are marked *