ຈຳປາສັກແຈ້ງດ່ວນ! ເຂັ້ມງວດ

ຄະນະສະເພາະກິດຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຂັ້ນແຂວງ ແຈ້ງການ ມາດຕະການຕໍ່ຜູ້ລະເມີດດັ່ງນີ້:

7. ຖ້າບຸກຄົນໃດທີ່ໄດ້ໃກ້ຊິດກັບຜູ້ຕິດເຊື້ອໂຄວິດ 19 ແລະ ຮູ້ວ່າຕົນເອງມີການສໍາຜັດ ຫາກມີການອອກຈາກເຮືອນ ໄປເຄື່ອນໄຫວຕາມສະຖານທີ່ຕ່າງໆ ຈະຖືກກ່າວເຕືອນ ແລະ ປັບໄຫມ 500.000 ກີບ (ຫ້າແສນກີບ),ຖ້າການລະເມີດເປັນສາເຫດພາໃຫ້ມີການແຜ່ເຊື້ອຈະຖືກດໍາເນີນຄະດີຕາມກົດຫມາຍ.

1. ກໍລະນີມີການລະເມີດມາດຕະການ ທີ່ໄດ້ກໍານົດໄວ້ໃນຄໍາສັ່ງຂອງທ່ານເຈົ້າແຂວງ ສະບັບເລກທີ 14/ຈຂ.ຈສ,ລົງວັນທີ 16 ກັນຍາ 2011 ເຊັ່ນ: ການຈັດກິດຈະກໍາໂຮມຊຸມນຸມຕ່າງໆ,

ງານບຸນປະເພນີ, ກິດຈະກໍາທາງສາສະ ຫນາ, ງານດອງ, ງານເຮືອນ, ງານວັນເກີດ, ງານລ້ຽງສ້າງສັນ, ການຊຸມແຊວ, ການພະນັນທຸກຮູບແບບໃນທຸກ ສະຖານທີ່ ຈະຖືກກ່າວເຕືອນ ແລະ ປັບໄຫມ 200.000 ກີບ ( ສອງແສນກີບ/ຄົນ, ເຈົ້າຂອງສະຖານທີ່ຈະຖືກປັບໄຫມ 500.000 ກີບ (ຫ້າແສນກີບ). ສໍາລັບການພະນັ້ນຈະຖືກປັບໄຫມ ແລະ ດໍາເນີນຄະດີຕາມກົດຫມາຍ.

2. ຖ້າມີການເປີດບໍລິການຫ້າງຮ້ານ ແລະ ກິດຈະການຕ່າງໆ ເປັນຕົ້ນ: ຫ້ອງກວດພະຍາດເອກະຊົນ, ຮ້ານກິນດື່ມບັນເທີງ, ຮ້ານຄາຣາໂອເກະ, ຮ້ານການເຟ, ຮ້ານເສີມສວຍ, ຮ້ານຕັດຜົມ, ຮ້ານບໍລິການນວດ ແລະ ສະປາທຸກ ປະເພດ, ສະຖານທີ່ອອກກໍາລັງກາຍ ແລະ ຫຼິ້ນກິລາທຸກປະເພດ, ສັງວຽນໄກ່, ຮ້ານສະນຸກເກີ້, ຮ້ານເກມອອນ ລາຍ, ຕະຫຼາດກາງຄືນ, ສະຖານທີ່ທ່ອງທ່ຽວ ຈະຖືກກ່າວເຕືອນ ແລະ ປັບໄຫມ 500.000 ກີບ (ຫ້າແສນກີບ).

3. ຖ້າມີການເປີດຮ້ານອາຫານເຊັ່ນ: ຮ້ານຊີ້ນດາດ, ຮ້ານຂາຍເຝີ, ເຂົ້າປຽກ, ຫມີ , ຮ້ານຕໍາສົ້ມ, ຮ້ານປີ້ງປະເພດຕ່າງໆ, ຮ້ານຂາຍຫມາກໄມ້ (ຕາມແຄມທາງ) ຈະຖືກປັບໄຫມ 500.000 ກີບ (ຫ້າແສນກີບ).

4. ຖ້າມີການສວຍໂອກາດກັກຕູນ-ຂຶ້ນລາຄາສິນຄ້າ ເປັນຕົ້ນ: ເຄື່ອງອຸປະໂພກ-ບໍລິໂພກ ທຸກປະເພດ ຈະຖືກສຶກສາອົບຮົມ ແລະ ປັບໄຫມ 1.000.000 ກີບ (ຫນຶ່ງລ້ານກີບ) ຫຼື ຫາກມີກໍລະນີເສຍຫາຍຫຼວງຫຼາຍ ຈະຖືກດໍາ ເນີນຄະດີຕາມລະບຽບກົດຫມາຍ.

5. ຖ້າມີການອອກຈາກເຮືອນ ຫຼື ທີ່ພັກພາອາໄສ, ເຄື່ອນໄຫວອອກຂ້າງນອກ ໂດຍບໍ່ໄດ້ຮັບອະນຸຍາດ ຈະຖືກກ່າວເຕືອນພ້ອມປັບໄຫມ 500.000 ກີບ (ຫ້າແສນກີບ)/ຄົນ/ຄັ້ງ. (ຍົກເວັ້ນກໍລະນີຈໍາເປັນທີ່ໄດ້ກໍານົດໄວ້ໃນຄໍາສັ່ງເລກທີ 14/ຈຂ.ຈສ, ລົງວັນທີ 16 ກັນຍາ 2001).

6. ຖ້າມີການລະເມີດໂມງເວລາການສັນຈອນ (ແຕ່ເວລາ 20:00 ໂມງ-05:00 ໂມງ) ແລະ ບໍ່ໄດ້ຮັບອະນຸຍາດຈາກການຈັດຕັ້ງຕາທີ່ໄດ້ກໍານົດໄວ້ຢູ່ໃນຄໍາສັ່ງເລກທີ 14/ຈຂ.ຈສ, ລົງວັນທີ 16 ກັນຍາ 2011 ຈະຖືກປະຕິບັດ ດັ່ງນີ້:

➢ ຄັ້ງທີ 1: ປັບໄຫມ 200.000 ກີບ (ສອງແສນກີບ)/ຄົນ/ຄັ້ງ. (ຖ້າເປັນເດັກແມ່ນໃຫ້ຜູ່ປົກຄອງມາຄໍ້າປະກັນ ພ້ອມເສຍຄ່າປັບໄຫມ);

➢ ຄັ້ງທີ 2: ປັບໄຫມ 500.000 ກີບ (ຫ້າແສນກີບ) ແລະ ກັກພາຫະນະທີ່ຜູ້ກ່ຽວນໍາໃຊ້ຕະຫຼອດໄລຍະການປະຕິບັດຄໍາສັ່ງ.

8. ຖ້າມີການລະເມີດການບໍລິການຂາຍຫວຍ ເປັນຕົ້ນ: ນັ່ງຂາຍຕາມແຄມທາງ ຈະຖືກກ່າວເຕືອນ ແລະ ປັບໄຫມ 500.000 ກີບ (ຫ້າແສນກີບ). 9. ໃຫ້ຄະນະສະເພາະກິດຂັ້ນແຂວງ, ນະຄອນ, 9 ເມືອງ ຈັດຕັ້ງປະຕິບັດຢ່າງເຂັ້ມງວດ.

– ໃຫ້ປະຊາຊົນທຸກຊັ້ນຄົນ, ການຈັດຕັ້ງທຸກພາກສ່ວນຕິດຕາມ ໃນກໍລະນິພົບເຫັນການລະເມີດຄໍາສັ່ງ ຂອງຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຂັ້ນແຂວງ ໃຫ້ ລາຍງານຕໍ່ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຂັ້ນແຂວງ, ນະຄອນ ຫຼື ເມືອງ.

Related Posts

Leave a Reply

Your email address will not be published. Required fields are marked *