ຈຳປາສັກ ຈະສ້າງໂຮງງານມັນຕົ້ນມູນຄ່າລົງທຶນ70ລ້ານໂດລາ

ຈຳປາສັກ ຈະສ້າງໂຮງງານມັນຕົ້ນມູນຄ່າລົງທຶນ70ລ້ານໂດລາ,​ຕະຫລາດກະສິກຳປາກຊ່ອງ,​ສົ່ງເສີມມັນຕົ້ນແຫ້ງທົດແທນມັນຕົ້ນດິບ ໃນມໍ່ໆນີ້.

ເຊົ້າວັນທີ 26 ສິງຫາ 2021 ແຂວງຈຳປາສັກຈັດກອງປະຊຸມສະຫລຸບຜົນງານໂຄງການກະສິກຳ ຂອງບໍລິສັດ ເອໄອດີຊີ ການຄ້າ ໃນການສ້າງໂຮງງານແປງມັນຕົ້ນ ມູນຄ່າ 70 ລ້ານໂດລາສະຫະລັດ ທີ່ໃຫຍ່ທີ່ສຸດໃນ ສປປ ລາວ ທີ່ເມືອງບາຈຽງ,​

ໂຄງການສ້າງຕະຫລາດ ກະສິກຳຂາຍສົ່ງຢູ່ເມືອງປາກຊ່ອງ ແລະ ໂຄງການສົ່ງອອກມັນຕົ້ນແຫ້ງ ທົດແທນມັນຕົ້ນດິບ ແລະ ການນຳໃຊ້ໂຮງງານດາວເພື່ອຕາກສິນຄ້າກະສິກຳ ຂອງບໍລິສັດດັ່ງກ່າວ.​

ໃຫ້ກຽດເຂົ້າເປັນປະທານໃນກອງປະຊຸມຂອງທ່ານ ປອ.​ ວິໄລວົງ ບຸດດາຄຳ ເຈົ້າແຂວງແຂວງໆຈຳປາສັກ,​ທ່ານ ປອ. ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະການຄ້າ,​ທ່ານ ເພັດ ພົມພິພັກ ລັດຖະມົນຕີ ກະຊວງກະສິກຳ ແລະ ປ່າໄມ້ (ຮ່ວມການປະຊຸມຜ່ານOnline).​

ມີທ່ານ ພຶດສະພາ ພູມມະສັກ ປະທານບໍລິສັດເອໄອດີຊີ ການຄ້າ,​ມີບັນດາທ່ານ ຫົວຫນ້າພະແນກ,​ທ່ານເຈົ້າເມືອງ ຂະແຫນງການທີກ່ຽວຂ້ອງຂັ້ນກະຊວງ,​ຂັ້ນແຂວງເຂົ້າຮ່ວມຢ່າງພ້ອມພຽງ.

Cr: ໜັງສືພິມຈຳປາໃໝ່

Related Posts

Leave a Reply

Your email address will not be published. Required fields are marked *