ເຕືອນສະຕິ!ຄົນມັກຈອດລົດຢູ່ແຄມນໍ້າ ລົດໄຫຼລົງນໍ້າໂດຍບໍ່ຮູ້ໂຕ!

ເຫດເກີດຢູ່ທີ່ ບໍລິເວນແມ່ນໍ້າເອັກສເມົາ ທາງຕອນໃຕ້ຂອງເມືອງເດວອນ ປະເທດອັງກິດ ໂດຍສໍານັກຂ່າວ Mirror ໄດ້ລາຍງານວ່າ ຊາຍຄົນໜຶ່ງທີ່ມີຊື່ວ່າ ເອເຊຍ ລິດເທນ ໄດ້ໄປຍ່າງຫຼິ້ນແຖວແຄມແມ່ນໍ້າ ເວລາປະມານ 10 ໂມງຕອນເຊົ້າຂອງວັນທີ 22 ສິງຫາ 2021 ແລ້ວແນມໄປເຫັນລົດຕູ້ສີຂາວທີ່ກໍາລັງລອຍຢູ່ກາງນໍ້າ.

ຈາກນັັ້ນ ເອເຊຍ ຈຶ່ງຖ່າຍຮູບ ແລະ ໂພສລົງໃນເພຈເຟສບຸກຂອງຄົນໃນຊຸມຊົນເດວອນ ເພື່ອຕາມຫາເຈົ້າຂອງລົດ, ລາວໄດ້ບັນຍາຍວ່າ ເຫັນແວ່ນລົດເປີດອອກ ແຕ່ບໍ່ມີຄົນຢູ່ຂ້າງໃນລົດ, ເມື່ອແຊຮູບຖ່າຍດັ່ງກ່າວໃນເພຈຊຸມຊົນ ເອັກສເມົາ ເພື່ອຕາມຫາເຈົ້າຂອງລົດ ແລະ.

ພົບວ່າເຈົ້າຂອງໄດ້ຈອດລົດໄວ້ອາດຈະດຶງເບກມືບໍ່ແໜ້ນລົດເລີຍໄຫຼລົງແມ່ນ້ຳ ສ່ວນເຈົ້າຂອງລົດລືມແມ່ນລືມສັງເກດເບິ່ງລົດແດ່ເພາະຄິດວ່າຈະໄປນັ່ງດື່ມພຽງແຕ່ 2-3 ຈອກເທົ່ານັ້ນ.
ສ່ວນຄົນທີ່ເຫັນເຫດການ ຫຼື ຄົນທີ່ຄອມເມັ້ນໃນໂພສ ກໍໄດ້ພາກັນເວົ້າມ່ວນຫົວໄປກັບສະຖານະການດັ່ງກ່າວ.

ແຕ່ສະມາຊິກຊຸຸມຊົນຢ້ານວ່າ ການທີ່ລົດລົງໄປແຊ່ຢູ່ໃນນໍ້າອາດຈະສົ່ງຜົນກະທົບດ້ານສິ່ງແວດລ້ອມ ແລະ ສະເໜີວ່າ ຄວນຫ້າມຈອດລົດບ່ອນນັ້ນເພາະປາກແມ່ນໍ້າເປັນເຂດອະນຸລັກທີ່ສໍາຄັນ ແລະ ລົດຍົນສ່ວນໃຫຍ່ຈະມີຂອງເຫຼວໄຫຼອອກມາເມື່ອຈົມຢູ່ໃນນໍ້າ.

Related Posts

Leave a Reply

Your email address will not be published. Required fields are marked *