ຍິງປຶນນັດດຽວ ໄດ້ນົກສອງໂຕ ຈີນທຸ່ມງົບ 1 ລ້ານລ້ານໂດລາ ສ້າງເສັ້ນທາງສາຍໄໝຂົ້ວໂລກເໜືອ

ນີ້ເປັນເສັ້ນທາງສາຍໄໝຢູ່ຂົ້ວໂລກເໜືອ ທີ່ເປັນທາງອອກໃຫ້ຈີນ ແລະອາຊີ ທີ່ບໍ່ຕ້ອງເພິ່ງພາການເດີນເຮືອທີ່ຄອງສຸເອດ 🤔

ບົດຮຽນຈາກເຫດການທີ່ເຮືອ Ever Given ເກີດອຸບັດເຫດ ຂວາງຄອງສຸເອດ ຈົນເຮັດໃຫ້ກິດຈະກຳການຄ້າທາງນ້ຳສ່ວນໜຶ່ງຂອງໂລກເປັນອຳມະພາດເກືອບອາທິດ.

ເຮັດໃຫ້ຮູ້ວ່າ ໂລກນີ້ເພ່ິງພາອາໄສຄອງສຸເອດຫຼາຍເກີນໄປ ກວມເອົາ 12% ຂອງໂລກ ທີ່ສິນຄ້າຖືກລຳລຽງໄປມາລະຫວ່າງທະວີບອາຊີ ແລະເອີລົບ.

ມີເຮືອໃຫຍ່ກວ່າ 450 ລຳ ລ່ອງລອຍຢູ່ລ້າໆ.

ທາງລັດຖະບານຈີນ ໄດ້ເຫັນເຖິງຄວາມສ່ຽງໃນການເພິ່ງພາເສັ້ນເຮືອເສັ້ນນີ້ມາແຕ່ດົນນານແລ້ວ ດັ່ງນັ້ນ, ທາງລັດຖະບານຈຶ່ງໄດ້ທຸ່ມງົບກວ່າ 1 ລ້ານລ້ານໂດລາ ໃນການລົງທຶນໄປກັບການສ້າງເສັ້ນທາງຂົນສົ່ງນີ້ ມາຫຼາຍປີແລ້ວ.

ທາງຈີນຄາດວ່າ ການປ່ຽນມາໃຊ້ເສັ້ນທາງເດີນເຮືອໃໝ່ ຂຶ້ນໄປທາງເໜືອຜ່ານແຖບອາກຕິກ ຈະຊ່ວຍຫໍ້ໄລຍະທາງລະຫວ່າງອາຊີ-ເອີລົບໃຫ້ສັ້ນລົງ.

ເຊັ່ນ:

– ກ່ອນນີ້, ການເດີນເຮືອຈາກຈີນໄປຍັງເມືອງທ່າເອີລົບ ເຊັ່ນ: ຣອດເທີດາມໃນເນເທີແລນ ກິນເວລາ 40 ມື້.

– ເສັ້ນທາງໃໝ່ ກິນເວລາ 20 ມື້.

ເຮັດໃຫ້ໂຄງການເສັ້ນທາງສາຍໄໝຂົ້ວໂລກຂອງຈີນນີ້, ຈຶ່ຶງເປັນໜຶ່ງໃນການບຸກເບີກຍຸດທະສາດທີ່ສຳຄັນ ເປັນການແຂ່ງຂັນພູມິລັດຖະສາດລະຫວ່າງປະເທດມະຫາອຳນາດ ທີ່ກຳລັງດຸເດືອດຂຶ້ນເລື້ອຍໆ 🇺🇸🔥🇨🇳.

ໂຄງການນີ້ຂອງຈີນ ຈຶ່ງເປັນເໝືອນ “ການຍິງປືນນັດດຽວ ໄດ້ນົກສອງໂຕ”.

ທີ່ມາ: https://en.wikipedia.org/wiki/Belt_and_Road_Initiative
https://theduran.com/the-strategic-hour-with-matt-ehret…/

Related Posts

Leave a Reply

Your email address will not be published. Required fields are marked *